ހޮނިހިރު 30 މެއި 2020
11 ރޯނު
1441 ޝައްވާލް 07
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:16
އިޝާ 19:33
އޮވޭސް އަޒީޒީ

އަފްގާނިސްތާން ގައުމީ ކީޕަރ މާޒިޔާއަށް ސޮއިކޮށްފި

  • އޮވޭސް އަޒީޒީ ވަނީ 2015 ވަނަ އަހަރު ސާފް ޗެމްޕިއަންޝިޕްގައި ކުޅެފައި

ކ. މާލެ | 24 މެއި 2019 | ހުކުރު 18:49 | 2,157

އޮވޭސް އަޒީޒީ - ގޫގުލް

އަފްގާނިސްތާން ގައުމީ ޓީމް ކީޕަރ އޮވޭސް އަޒީޒީ މާޒިޔާ ސްޕޯޓްސް އެންޑް ރެކްރިއޭޝަނަށް ސޮއިކޮށްފިއެވެ.

މާޒިޔާއަށް ސޮއިކުރުމަށްފަހު އަޒީޒީ ބުނީ، މާޒިޔާއާ ގުޅުމުން އުފާވާކަމަށާއި، ޓީމުން ކަނޑައަޅާފައިވާ ޓާގެޓަށް ވާސިލުވާން އެހީތެރިވެދޭނެ ކަމަށެވެ.

އަފްއާނިސްތާން ގައުމީ ޓީމަށް އަޒީޒީ ނަގާފައިވަނީ 2015 ވަނަ އަހަރެވެ. އޭނާ އޭރު ސްކޮޑަށް ނަގާފައިވަނީ އަފްއާނިސްތާން ގައުމީ ޓީމުގެ ކުރީގެ ކޯޗު އަދި ރާއްޖޭގެ މިހާރުގެ ގައުމީ ކޯޗު ޕީޓަރ ސެގާޓްއެވެ. އޭނާ ވަނީ 2015 ވަނަ އަހަރުގެ ސާފް ޗެމްޕިއަންޝިޕްގައިވެސް ކުޅެފައެވެ.

ޑެންމާކްގެ އެކި ކްލަބްތަކަށް ކުޅެފައިވާ އުމުރުން 27 އަހަރުގެ އަޒީޒީ ވަނީ އަފްއާނިސްތާން ގައުމީ ޓީމަށް 25 މެޗު ކުޅެފައެވެ.

އަޒީޒީގެ އިތުރުން މާޒިޔާއިން ވަނީ ކުރިޔަށް އޮތް ސީޒަނަށް ތައްޔާރުވުމުގެ ގޮތުން ވަރުގަދަ ކުޅުންތެރިންތަކެއް އެ ކްލަބަށް ގެނެސްފައެވެ. އެގޮތުން ޓީސީގެ އަބްދުﷲ ހަނީފް (ބެންޖޯ)، އިބްރާހިމް ވަހީދު ހަސަން (އިއްބެ)، އިބްރާހިމް މަހުދީ (ފޭދޫ އިއްބެ)، ނިއު ރޭޑިއަންޓުގެ އަހުމަދު އަބްދުﷲ (ލިލީ) އަދި ހަމްޒާ މުހައްމަދު (ހަމްޕު( ވެސް އެ ކްލަބުން ވަނީ ގެނެސްފައެވެ.

ކުރިޔަށް އޮތް ސީޒަނުން މާޒިޔާއިން ނުފެންނާނީ އެ ކްލަބް ދޫކޮށް ދިޔަ ދަ ގްރާންޑޭ އަށް ސޮއިކުރި ޔަސްފާދު ހަބީބު (މުލަކޭ) އާއި ޓީސީ އަށް ބަދަލުވި އިސްމާއިލް އީސާ (މެސީ) އަދި ގްރީން ސްޓްރީޓްސް އަށް ސޮއިކުރި ގާސިމް ސައްމާމު (ސައްމެ) އެވެ.

މާޒިޔާއިން ވަނީ އެޓީމަށް 2017 ވަނަ އަހަރު އިރުޝާދުދިން ކޯޗު މަރުޖާން ސެކުލޮސްކީ ގެނެސްފައެވެ. އޭނާ އެ މަގާމަށް ގެނައީ މިދިޔަ އަހަރު އެ ކްލަބަށް ކޯޗުކަންކޮށްދިން އިސްމާއިލް މަހުފޫޒް (އިންމަ) ގެ ބަދަލުގައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.