ޑެލައިޓް ހޯދުމުގެ ރޭހުގައި ޔުވެންޓަސް އާއި ޕީއެސްޖީ ބައިވެރިވެއްޖެ
20 މެއި 2019 | ހޯމަ 16:32ޑެލައިޓް ހޯދުމަށް ބާސާއިންވެސް އަންނަނީ މަސައްކަތް ކުރަމުން
އަޔަކްސްގެ ކެޕްޓަން ޑެލައިޓް
އަޔަކްސްއަށް ކުޅެމުން އަންނަ ނެދަލޭންޑްސްގެ ޑިފެންޑަރ މަތައިސް ޑެލައިޓް ހޯދުމުގެ ރޭހުގައި ޔުވެންޓަސް އާއި ޕެރިސް ސެއިންޓް ޖާމަން (ޕީއެސްޖީ) ވެސް ބައިވެރިވެއްޖެއެވެ.
އީއެސްޕީއެންއިން ބުނީ، ކުރިޔަށް އޮތް ސީޒަނަށް ތައްޔާރުވުމުގެ ގޮތުން ޔުވެންޓަސް އާއި ޕީއެސްޖީން ޑެލައިޓް ހޯދުމަށް މަސައްކަތް ކުރަމުން އަންނަ ކަމަށެވެ.
އަހަރުގެ ޑެލައިޓް ހޯދުމަށް ބާސާއިން ވެސް މަސައްކަތް ކުރަމުން އަންނައިރު، ފޮކްސް ސްޕޯޓްސްއަށް ދިން އިންޓަވިއުއެއްގައި ޑެލައިޓް ބުނީ، ބާސެލޯނާއަށް ބަދަލުވުމާ މެދު ގޮތެއް ބުނަން މިވަގުތު ނޭގޭ ކަމަށާއި، އެކަމާ މެދު އެއްޗެއް ބުނަން އެނގޭނީ ފަހުން ކަމަށެވެ.
ރިޕޯޓްތައް ބުނާ ގޮތުން ކުރިޔަށް އޮތް ސީޒަނަށް ބާސާއިން އަންނަނީ އެޓީމުގެ ޑިފެންސްލައިން ވަރުގަދަކުރުމުގެ ގޮތުން ޑެލައިޓް ހޯދުމަށް މަސައްކަތް ކުރަމުން ކަމަށާއި، އެ ކްލަބުން އޭނާ ހޯދުމަށް 60 މިލިއަން ޕައުންޑު ހުށަހަޅާފައިވާ ކަމަށެވެ.
