ހެލްތް މިނިސްޓަރ އަމީން ރަސްމީ ދަތުރުފުޅެއްގައި ޖެނީވާ އަށް ފުރާވަޑައިގެންފި
18 މެއި 2019 | ހޮނިހިރު 05:31ހެލްތް އެސެމްބްލީ އަކީ ކޮންމެއަހަރަކު އެއް ފަހަރު ސްވިޒަލެންޑްގެ ޖެނީވާގައި ބާއްވާ ބައްދަލުވުމެއް
ހައްވާ މުހައްމަދު | 18 މެއި 2019 | ހޮނިހިރު 05:31
ހެލްތް މިނިސްޓަރ އަބްދުﷲ އަމީން
ހެލްތް މިނިސްޓަރ އަބްދުﷲ އަމީން ރަސްމީ ދަތުރުފުޅެއްގައި ޖެނީވާ އަށް ފުރާވަޑައިގެންފިއެވެ.
މިނިސްޓަރގެ މި ދަތުރުފުޅަކީ 72 ވަނަ ވޯލްޑް ހެލްތް އެސެމްބްލީގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެއެވެ.
ވޯލްޑް ހެލްތް އެސެމްބްލީ އަކީ ކޮންމެ އަހަރަކު އެއް ފަހަރު ސްވިޒަލެންޑްގެ ޖެނީވާގައި ބާއްވާ ބައްދަލުވުމެކެވެ. މި ބައްދަލުވުން ކުރިއަށް ދާނީ މެއި މަހުގެ 20 އިން 28 އަށެވެ.
ހެލްތް އެސެމްބްލީގެ މައިގަނޑު ބޭނުމަކީ އެ ޖަމާއަތުގެ ސިޔާސަތުތައް ކަނޑައެޅުމާއި، ޑިރެކްޓަރ ޖެނެރަލްއަކު އައްޔަންކުރުމާއި، މާލީ ސިޔާސަތުތައް ސުޕަރވައިޒް ކުރުމާއި، މީގެ އިތުރުން ޕްރޮގްރާމްތަކަށް ކަނޑައަޅާފައިވާ ބަޖެޓް ރިވިއުކޮށް ފާސްކުރުމެވެ.
