މަޝްހޫރު އޮންލައިން ވިޔަފާރި ކުންފުނި އެމެޒަން ކުންފުނިން ނެކްސްޓް ސްޓޯރސްގައި ކަލެކްޝަން ޕޮއިންޓުތަކެއް ލޯންޗުކޮށްފިއެވެ.
އެމެޒަން އިން ލޯންޗުކޮށްފައިވާ މި ހިދުމަތުގެ ސަބަބުން ކަސްޓަމަރުން އޯޑަރު ކުރާ ޕާރިސަލްތައް ނެކްސްޓް ސްޓޯރސްގައި ހުންނަ ޕިކަޕް ޕޮއިންޓްތަކުން ނެގޭނެއެވެ. މި ހިދުމަތަށް އެމެޒަން ކައުންޓަރުގެ ނަމުން ނަންދެވިފައިވާއިރު ނެކްސްޓް އިން ބުނީ އެ ސްޓޯރުގެ ބައިވެރިވުމާއެކު ވާދަވެރި މާހައުލެއްގައި ފައިތިލަ ސާބިތު ކުރުމަށް އެހީއަކަށްވާނެ ކަމަށެވެ.
އިނގިރޭސިވިލާތުގެ ގިނަ ފިހާރަތަކަށް ވިޔަފާރި ކުރިއެރުވުމުގައި ގިނަ ޕްރެޝަރުތަކާއި ވަނީ ކުރިމަތިވެފައެވެ. އެގޮތުން ގިނަ އޮންލައިން ވިޔަފާރީތަކުގެ ވާދަވެރިކަމާއި އެ ފިހާރަތަކަށް ކުރިމަތިލާން ޖެހިފައިވާއިރު އެމެޒަން ވެސް އެ ވާދަވެރިންގެ ލިސްޓުގައި ހިމެނެއެވެ.
ނެސްކްސްޓްގެ ޗީފް އެގްޒެކްޓިވް ލޯޑް ވޮލްފްސަން ވިދާޅުވީ އެމެޒަންގެ ގިނަ ކަސްޓަމަރުންނަށް ނެކްސްޓްގެ އިނގިރޭސިވިލާތުގެ ސްޓޯރުތައް މެދުވެރިކޮށް "އެތައް ސަތޭކަ" ޕެކޭޖުތައް ނެގޭނެ ކަމަށެވެ.
އޮންނައިން ވިޔަފާރީ ކުރުމަށް އޮތް ޑީމާންޑް މިހާރު އިތުރުވަމުން އަންނައިރު އިނގިރޭސިވިލާތުގެ ސްޓޯރުތަކަށް ވަނީ ހައި ބިޒްނަސް ރޭޓްސްގެ އިތުރުން މުވައްޒަފުންނަށް ކުރާ ހޭދަ ވެސް ވަނީ އިތުރުވެފައެވެ.
އެމެޒަންގެ ކައުންޓަރު ހިދުމަތް ލޯންޗުކޮށްފައިވާއިރު މި ހިދުމަތަކީ އެމެޒަންގެ ލޮކަރސްއަށް އިތުރުވެގެން ދިޔަ ބޮޅެކެވެ. އެމޭޒަންގެ ލޮކަރސް ހިދުމަތް މެދުވެރިކޮށް ސުޕަރމާކެޓްތަކުންނާއި ޕެޓްރޯލް ސްޓޭޝަންތަކުން ޕެކޭޖް ނެގެއެވެ.
އެމެޒަންގެ ކައުންޓަރު ހިދުމަތް އިޓަލީގައި ލޯންޗުކުރުމަށް ވެސް އެ ކުންފުނިން ވަނީ ނިންމާފައެވެ.
