އާދީއްތަ 26 މެއި 2019
07 ރޯނު
1440 ރަމަޟާން 21
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ދުނިޔެ - ސްރީލަންކާ

އަންހެނުން މަރުވި މައްސަލާގައި ފިރިހެން މީހާ ލަންކާ އިން ފުރުން މަނާ!

  • އަންހެނުން މަރުވީ އޭޕްރީލް މަހުގެ 25 ވަނަ ދުވަހު
  • ލަންކާ އަށް ފަހު އަންނަން އޮތީ ރާއްޖެއަށް

އަލީ ސަމާޚް
AliSamah8

ކ. މާލެ 13 މެއި 2019 | ހޯމަ 11:28 49,432

އުޝެއިލާއާ ޗަންދަރިއާ - އެމްއެންޑީއެފް

އަވަށްޓެރި ސްރީލަންކާގައި ހަނީމޫން ހޭދަކުރަމުން ދަނިކޮށް ކާނާ ވިހަވެގެން އިނގިރޭސިވިލާތުގެ އަންހެނަކު މަރުވި މައްސަލާގައި އޭނާގެ ފިރިމީހާ ލަންކާ އިން ފުރުން މަނާކޮށްފިއެވެ.

ގޯލްގެ ފަސްތަރީގެ އަމާރީ – ގޯލް ހޯޓެލްގައި ހަނީމޫން ހޭދަކުރަމުން ދިޔަ އިންޑިއާ ދަރިފަސްކޮޅުގެ އިނގިރޭސި ދެމަފިރިންގެ ތެރެއިން އުމުރުން 31 އަހަރުގެ އުޝެއިލާ ޕަޓޭލް މަރުވެފައި ވަނީ އޭޕްރީލް މަހުގެ 25 ވަނަ ދުވަހުއެވެ. ޕޯސްޓް މޯޓަމް ރިޕޯޓުން ދައްކާ ގޮތުން އުޝެއިލާ މަރުވެފައި ވަނީ ޑީހައިޑްރޭޓް ވުމުގެ ސަބަބުންނެވެ.

އުޝެއިލާގެ މަރުގެ މައްސަލަ ތަހްގީގުކޮށް ނިމެންދެން ފިރިމީހާ ހިލަން ޗަންދަރިއާ ލަންކާ އިން ފުރައިގެން ދިޔުން މަނާ ކޮށްފައިވާ ކަމަށް މީޑިއާ ރިޕޯޓްތައް ބުނެއެވެ. އެކަމަކު އޭނާ ހުރީ ފުލުހުންގެ ބެލުމުގެ ދަށުގައި ނުވަތަ ގޭބަންދުގައެއް ނޫނެވެ.

ލަންޑަނުގައި ފޯނު ވިޔަފާރި ކުރަމުންދާ އުމުރުން 33 އަހަރުގެ ޗަންދަރިއާ އިނގިރޭސިވިލާތުގެ ނޫހަކަށް ދިން އިންޓަވިއުއްގައި ބުނީ، ކުރިން އޭނާ އަށް ލަންކާ ދޫކޮށް ދެވެން އޮތް ކަމަށާއި، ނަމަވެސް އަންހެނުން ހަށިގަނޑާއި ނުލާ ފުރަން އޭރު ބޭނުންނުވީ ކަމަށެވެ. ޗެންދަރިއާ ބުނީ، ހޮޓަލުން ކެއުމަށް ފަހު ދެ މީހުން ވެސް ހުން އައިސް އަނގައިން ލޭ އައި ކަމަށެވެ.

އުޝެއިލާއާ ޗެންދްރިއާ ކައިވެނިކޮށްފައި ވަނީ ރައްޓެހިވެގެން އުޅޭތާ ތިން އަހަރު ފަހުން ނިމިގެންދިޔަ އޭޕްރީލް މަހުގެ 19 ވަނަ ދުވަހު އުތުރު ލަންޑަންގައެވެ. ލަންކާގައި ހަނީމޫން ނިންމާލުމަށް ފަހު އެ މީހުން ރާވައިގެން ތިބީ ރާއްޖެ އަންނަ ގޮތަށެވެ. 

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް