ޔޫތް މިނިސްޓަރ މަހުލޫފް ޖަޕާނު އެމްބެސަޑަރ އާއި ބައްދަލު ކުރައްވައިފި
12 މެއި 2019 | އާދީއްތަ 12:54މަޝްވަރާ ކުރައްވާފައިވަނީ ޒުވާނުންގެ މަރުކަޒު އިތުރަށް ތަރައްގީކޮށް މަރާމާތު ކުރުމުގެ މަސައްކަތްތަކާއި ގުޅޭ ގޮތުން
މިނިސްޓަރ އަހުމަދު މަހުލޫފް ޖަޕާންގެ އެމްބެސެޑަރ ކެއިކޯ ޔަނައި
މިނިސްޓްރީ އޮފް ޔޫތް ސްޕޯޓްސް ކޮމިއުނީ އެންޑް އެންޕަވަރމަންޓް އަހުމަދު މަހުލޫފް ޖަޕާނުން ރާއްޖެ އަށް ކަނޑައޅުއްވަފައި ހުންނަވާ އެމްބެސަޑަރ މިސް ކެއިކޯ ޔަނައި އާއި ބައްދަލު ކުރައްވައިފި އެވެ.
ރާއްޖެ އެމްވީއަށް މައުލޫމާތު ދެއްވަމުން މަހުލޫފް ވިދާޅުވީ މި ބައްދަކު ކުރެއްވުމުގައި މަޝްވަރާ ކުރައްވާފައިވަނީ ޒުވާނުންގެ މަރުކަޒު އިތުރަށް ތަރައްގީކޮށް މަރާމާތު ކުރުމުގެ މަސައްކަތްތަކާއި ގުޅޭ ގޮތުން ކަމަށެވެ.
މީގެ އިތުރުން ސްޕޯޓްސް ޓްރެޓެޖިކް ޕްލޭން ރޭވުމަށް ޓެކްނިކަލް ސަޕޯޓް ހޯދުމާއި ގުޅޭ ގޮތުން ވެސް މަޝްވަރާ ކުރައްވާފައިވާ ކަމަށް މިނިސްޓަރ ވިދާޅުވިއެވެ.
ރައީސް ޔާމީންގެ ސަރުކާރުގައި ވަނީ ކުރިން ޒުވާނުންގެ މަރުކަޒު ހިންގި އިމާރާތުގެ ބޮޑު ބައެއް ތަޅާލާ ރަސްފަނު ސަރަހައްދުގައި ހަދާފައިހުރި އައުޓްޑޯ ޖިމް ހެދުމަށް އޭރު ޖާގަ ހުސްކޮށްފައެވެ. .
