މި ރޯދަމަހު މާރުކޭޓްގައި މަހުގެ އަގު އެއްވަރެއްގައި ހިފެހެއްޓިފައި

މި ރޯދަމަހު މާލޭ މަސް މާރުކޭޓުގައި މަހުގެ އަގު އެއްވަރެއްގައި ހިފެހެއްޓިފައި ހުރި ކަމަށް ވިޔަފާރިވެރިން ބުނެފިއެވެ.

ބާޒާރުގައި މަހުގެ އަގުތަކަށް ބަލާއިރު ކަޅުބިލަ މަހެއްގެ އަކީ 30ރ އެވެ.

ލައްޓިއެއް 25 އަށް މާރުކޭޓުގައި ހުރި އިރު ގޮދައެއްގެ އަގުތައް އުޅެނީ 35 އަދި 40 އަށެވެ.

އަދި ކަންނެލީގެ އަގަކީ 30 ރުފިޔާއެވެ.

ފަރުމަހުގެ އަގުތަކަށް ބަލާއިރު ފިލޮޅެއްގެ އަގު އުޅެނީ 80ރ އަށެވެ.

ބޮޑު ގިނި މަހެއް 30ރ. އަށް ހުރިއިރު ކުޑަ ގިނި މަސް ވިއްކަނީ 50ރ. އަށް ދެ މަހެވެ.

ރަތް މަހާއި ބޯވައިގެ އަގު 200ރ. އަށް ހުރިއިރު ތޮޅިއެއްގެ އަގު އުޅެނީ 30ރ. އަށެވެ.

މަހުގެ އަގު އެއްވަރެއްގައި ހިފެހެއްޓިފައި މިވަނީ މިދުވަސްކޮޅު މަސްބާނާލެއް ގިނަ ކަމުން ކަމަށް މަސްވެރިން ފާހަގަ ކުރިއެވެ.

މަސްވެރިން މަސް ނުބާނާ ކަމަށް ވާނަމަ ކުރިއަށް އޮތް ތާނގައިވެސް މަހުގެ އަގު މައްޗަށް ދާނެ ކަމަށް މަސްވިއްކާ ފަރާތްތަކުން ބުނެއެވެ.

ކުރީ އަހަރުތަކާއި ބަލާއިރު މިއަހަރު މާރުކޭޓްގައި އަދި ދަނީ މަހުގެ އަގު ދަށް ކޮށް ކަމަށް ވިޔަފާރިވެރިން ފާހަގަ ކޮށްފައިވާއިރު ކުރީ އަހަރު ތަކުގައި މަހުގެ އަގު އުޅެނީ 60ރ. އައި 70ރ. އާއި ދެމެދުގެ އަގުތަކެއްގައެވެ.