މުސާރަ ނުދީގެން އޮޅުވެލި ރިސޯޓުގައި ބިދޭސީންތަކެއް ހަޅުތާލު ކުރަނީ
9 މެއި 2019 | ބުރާސްފަތި 15:57ލަކުޑި ބުރިފަދަ ތަކެތި ހިފައިގެން ގެސްޓް އޭރިޔާ އަށް އެރުމަށް ދަނީ މަސައްކަތް ކުރަމުން
ކ.އޮޅުވެލި ރިސޯޓު
މޫސާރަ ނުދީގެން ކ.އޮޅުވެލި ރިސޯޓުގައި މަސްލަހަތު ގެއްލޭގޮތަށް ބިދޭސީންތަކެއް ހަޅުތާލު ކުރަން ފަށައިފިއެވެ.
ފުލުހުން ބުނީ ބުރާސްފަތި ދުވަހު 19:18 ހާއިރު އޮޅުވެލި ރިސޯޓުގެ ތާޑް ޕާޓީގެ ކޮންޓްރެކްޓް ގެ މަސައްކަތް ކުރަމުންދާ ބަގްލަދޭޝް ރައްޔިތުންތަކެއް މުސާރަ ނުދީގެން ހިތްހަމަ ނުޖެހިގެން ރިސޯޓުގެ މަސްލަހަތު ގެއްލޭ ގޮތަށް ހަޅުތާލު ކުރަމުންދާތީ ފުލުހުންނަށް ރިޕޯޓުކޮށްފައިވާ ކަމަށެވެ.
ފުލުހުން ބުނީ މިމައްސަލާގައި ގާތްގަނޑަކަށް 50 އަށް ވުރެ ގިނަ ބިދޭސީން ހަރަކާތްތެރިވަމުންދާ ކަމަށާއި، ދަނޑިބުރިއާ ލަކުޑި ބުރިފަދަ ތަކެތި ހިފައިގެން އެމީހުން މަސައްކަތް ކުރަމުންދަނީ ގެސްޓް އޭރިޔާ އަށް އެރުމަށް ކަމަށް މައުލޫމާތު ލިބިފައިވާ ކަމަށެވެ.
މިމައްސަލާއާ ގުޅިގެން ފުލުހުން ރިސޯޓަށް އަށްދިއުމުގެ މަސައްކަތްކުރަމުންދާ ކަމަށް ވެސް ފުލުހުން ބުންޏެވެ.
