ފްލޯޓިން އައިލެންޑް ހެދުމުގެ މަޝްރޫއުގެ އެއްބަސްވުމުގައި ސޮއިކޮށްފި
9 މެއި 2019 | ބުރާސްފަތި 12:00މި މަޝްރޫއާ ގުޅޭ އިތުރު ތަފްސީލެއް ޓޫރިޒަމް މިނިސްޓްރީން އަދި ހާމަކޮށްފައެއް ނުވޭ
ޕްލޯޓިން އައިލެންޑް ހެދުމުގެ މަޝްރޫޢުގެ އެއްބަސްވުމުގައި ސޮއިކުރުން
ރާއްޖޭގައި ފްލޯޓިން އައިލެންޑް ހެދުމުގެ މަޝްރޫއުގެ އެއްބަސްވުމުގައި ސޮއިކޮށްފިއެވެ.
މިމަޝްރޫއުގައި ކުރިއަށް ގެންދިއުމުގެ އެއްބަސް ވުމުގައި ދިވެހިރާއްޖޭގެ ފަރާތުން ސޮއިކުރެއްވީ ޓޫރިޒަމް މިނިސްޓްރީގެ ސްޓޭޓް މިނިސްޓަރު ޑރ. އަހްމަދު ސޯލިހެވެ.
ހޮލެންޑުން ރާއްޖެ އާއި ސްރީލަންކާއަށް ކަނޑައަޅުއްވާފައިވާ ސަފީރު ބުރާސްފަތި ދުވަހު ކުރައްވާފައިވާ ޓްވީޓްގައި ވިދާޅުވީ ޑަޗް ޑޮކްލޭންޑްސާ އެކު ސޮއިކުރުން ބައްލަވާލެވުނީމަ ވަރަށް އުފާކުރައްވާ ކަމަށެވެ. އަދި ނެދަލެންޑްސްގެ އެންމެ ފަހުގެ އީޖާދެއް ކަމުގައިވާ ފްލޯޓިން އައިލެންޑްސް ޓެކްނޮލިޖީގެ ބޭނުންކޮށްގެން މޫސުމަށް އަންނަ ބަދަލުތަކަށް ތައްޔާރުވުމަށް ރާއްޖެއިން ކުރާ މަސައްކަތަށް އިތުރު އެހީއެއް ފޯރުކޮށްދެވޭނެ ކަމަށް ވެސް ސަފީރު ވިދާޅުވިއެވެ،.
މި މަޝްރޫއާ ގުޅޭ އިތުރު ތަފްސީލެއް ޓޫރިޒަމް މިނިސްޓްރީން އަދި ހާމަކޮށްފައެއް ނުވެއެވެ.
މި މިޝްރޫއު ކުރިއަށް ގެންދިއުމަށް ރައީސް ނަޝީދުގެ ވެރިކަމުގައި 2010 ވަނަ އަހަރު ވެސް ވަނީ ސޮއިކޮށްފައެވެ. އޭރު ސޮއިކުރި އެއްބަސްވުމުގެ ދަށުން އޮތީ މާލެ އަތޮޅުގެ ފަސް ފަޅެއް 50 އަހަރަށް ދިވެހި ސަރުކާރާއި ޑަޗް ޑޮކްލޭންޑް ހިއްސާވާ ކުންފުންޏަކަށް ދިނުމަށް ނިންމާފައެވެ. ނަމަވެސް ނަޝީދުގެ ސަރުކާރު ނިމުމަކަށް އައުމުން އެ މަޝްރޫއު ވަނީ ހުއްޓިފައެވެ.
