ފޮރިން މިނިސްޓަރު އަބްދުﷲ ޝާހިދު ސްރީލަންކާއަށް ކުރެއްވި ދަތުރުފުޅު ނިންމަވާލައްވައިފިއެވެ.
ލަންކާއިން ފުރާވަޑައިގަންނަވަމުން މިނިސްޓަރު ޝާހިދު ކުރެއްވި ޓްވީޓެއްގައި ވިދާޅުވީ ލަންކާގެ އިސްވެރިންނާއެކު ވަރަށް ފައިދާ ކުރުވަނިވި ބައްދަލުވުންތަކެއް ބޭއްވުނު ކަމަށެވެ.
މިދިޔަ މަހުގެ 21 ވަނަ ދުވަހު ސްރީލަންކާއަށް ދިން ބޮމުގެ ހަމަލާތަކަށް އަލިއަޅުއްވާ ލައްވާ މިނިސްޓަރު ވިދާޅުވީ އެކަންކަމުން ލަންކާގެ ރައްޔިތުން އަރައިގަނެފައިވާތީ ވަރަށް ހިތްހަމަޖެހޭ ކަމަށެވެ. އަދި ރާއްޖެ އަބަދު ވެސް ލަންކާއެކުވާނެކަމުގެ ޔަގީންކަން މިނިސްޓަރު ވަނީ އަރުއްވާފައެވެ.
Leaving #Colombo after very productive meetings with #SriLanka leadership and greatly impressed by the resilience of the Sri Lankan spirit. #Maldives assures it’s complete solidarity and will always remain a true friend! pic.twitter.com/2ShMIWNFom
— Abdulla Shahid (@abdulla_shahid) May 8, 2019
މިނިސްޓަރު ޝާހިދުގެ ދެދުވަހުގެ މިދަތުރުފުޅުގައި ލަންކާގެ ބޮޑުވަޒީރު ރަނިލް ވިކްރަމަސިންހަ އާއި، ލަންކާގެ ކުރީގެ ރައީސް އަދި މިހާރު އެންމެ ބޮޑު އިދިކޮޅު ޕާޓީގެ ލީޑަރު މަހިންދަ ރާޖަޕަކްސައާ އަދި ގާނޫނުހަދާ މަޖިލީހުގެ ރައީސް ކަރޫ ޖަޔަސޫރިޔާއާ ބައްދަލުކުރައްވާފައިވެއެވެ. މީގެ އިތުރުން އެ ގައުމުގެ ގާނޫނުހަދާ މަޖިލީހުގެ ކުރީގެ ރައީސް ޗަމަލް ރާޖަޕަކްސަ އަދި އެ ގައުމުގެ މިނިސްޓަރ އޮފް އިންޓަރނަލް އެންޑް ހޯމް އެފެއަރޒް ވަޖިރަ އަބޭވަރްދަނައާ ބައްދަލުކުރައްވާފައިވެއެވެ.
