ސްޕެނިޝް ލަލީގާގައި ސެލްޓަވިގޯ އަތުން ޗެމްޕިއަން ބާސެލޯނާ ބަލިވެއްޖެއެވެ.
ހޮނިހިރު ދުވަހުގެ ރޭ ކުޅުނު މެޗުން ބާސާ ބަލިވީ ސެލްޓަވިގޯއާ ވާދަކޮށް 0-2 ގެ ނަތީޖާއަކުންނެވެ.
ސެލްޓަވިގޯ ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅުނީ ބާސާއިންނެވެ. ނަމަވެސް އެޓީމަށް މުޅި މެޗުގައި ވެސް ލިބުނު ހުސް ފުރުސަތުތަކުގެ ބޭނުން އެންމެ އެދެވޭ ގޮތެއްގައި ހިފިފައެއް ނުވެއެވެ.
މި ހާފްގައި ސެލްޓަވިގޯ އަށް ވެސް ލަނޑު ޖެހުމަށް ފުރުސަތުތަކެއް ލިބިފައިވާއިރު، އެ ޓީމަށް ވެސް އެންމެ އެދެވޭ ގޮތެއްގައި އެ ފުރުސަތުގެ ބޭނުން ހިފިފައެއް ނުވެއެވެ.
¡FINAAAAAAAAAAL! ¡Un paso importantísimo hacia la permanencia! ¡VAMOS CELTISMO! ¡VAMOS CELTA!#CeltaBarça #ANosaReconquista pic.twitter.com/PJRR48tUXv
— RC Celta (@RCCelta) May 4, 2019
ނަމަވެސް ދެވަނަ ހާފް ފެށިގެން ސެލްޓަވިގޯ އިން ވަނީ އެ ޓީމުގެ ކުޅުން ރަނގަޅުކޮށް، 67 ވަނަ މިނެޓުގައި ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ ގޮމޭޒްއެވެ.
މި ލަނޑަށް ފަހު ވެސް ސެލްޓަވިގޯގެ ފަރާތުން ހަމަލާތަކެއް ފެނިގެން ގޮސްފައިވާއިރު، 90 ވަނަ މިނެޓުގައި އެ ޓީމުން ވަނީ ލީޑު ފުޅާކޮށްފައެވެ. މި ލަނޑު އެޓީމަށް ލިބުނު ޕެނަލްޓީއަކުން ކާމިޔާބުކޮށްދިނީ އިއާގޯ އަސްޕަސްއެވެ.
މި ނަތީޖާއާ އެކު ބާސާ އޮތީ ކުޅުނު 36 މެޗުން ލިބުނު 83 ޕޮއިންޓާއެކު ޕޮއިންޓް ތާވަލުގެ އެއްވަނައިގައެވެ. މެޗުން މޮޅުވި ސެލްޓަވިގޯ އޮތީ ކުޅުނު 36 މެޗުން ލިބުނު 40 ޕޮއިންޓާ އެކު ޕޮއިންޓް ތާވަލުގެ 14 ވަނައިގައެވެ.
މިއީ ލީގުގައި ބާސާ ކުޅުނު 36 މެޗުގެ ތެރެއިން ބަލިވި ތިންވަނަ މެޗެވެ. އެޓީމު ބާކީ 25 މެޗުން މޮޅުވިއިރު، 8 މެޗުން ވަނީ އެއްވަރުވެފައެވެ.
