ރަމަޟާ މަހު އިސްލާމިކް ބޭންކް ހުޅުވާ ގަޑިތައް އިއުލާނުކޮށްފި
30 އެޕްރީލު 2019 | އަންގާރަ 17:35ބޭންކް ހުޅުވާފައި ހުންނާނީ ބަންދު ނޫން ކޮންމެ ދުވަހެއްގެ ހެނދުނު 9:30 އިން 12:00 އަށް
މޯލްޑިވްސް އިސްލާމިކް ބޭންކް (އެމްއައިބީ)
ކުރިއަށް އޮތް ރަމަޟާން މަހު މޯލްޑިވްސް އިސްލާމިކް ބޭންކް (އެމްއައިބީ) ހުޅުވިފައި ހުންނަ ގަޑިތައް އިއުލާނު ކޮށްފިއެވެ.
އިސްލާމިކް ބޭންކުން އަންގާރަ ދުވަހު ކޮށްފައިވާ ޓްވީޓެއްގައި ބުނީ އެ ބޭންކް ހުޅުވާފައި ހުންނާނީ ބަންދު ނޫން ކޮންމެ ދުވަހެއްގެ ހެނދުނު 9:30 އިން 12:00 އަށް ކަމަށެވެ. އަދި މި ގަޑިތަކުގައި އެ ބޭންކުން ހިދުމަތް ލިބޭއިރު، އެ ބޭންކްގެ އޭޓީއެމްތަކުން 24 ގަޑިއިރު ހިދުމަތް ލިބޭނެ ކަމަށް އެ ބޭންކުން ބުނެއެވެ.
އެމްއައިބީ އިން ރާއްޖޭގެ ގިނަ އަތޮޅުތަކެއްގައި އެ ބޭންކުގެ ޚިދުމަތް ދެމުން ދާ ކަން ފާހަގަ ކޮށްލެވެއެވެ. އެ ބޭންކްގެ ބްރާންޗްތައް ހިތަދޫ، ފުވައްމުލައް، ތިނަދޫ، ކުޅުދުއްފުށި އަދި ހުޅުމާލޭގައި ހިންގަމުން ދެއެވެ.
ދާދިފަހުން އެމްއައިބީގެ ހުރިހާ ފައިނޭންސިން ޚިދުމަތްތަކެއް ދިނުން އެ ބޭންކުގެ ހެޑް އޮފީހަށް ބަދަލު ކޮށްފައި ވާއިރު މީގެ ކުރިން މި ޚިދުމަތް ދެމުން ގޮސްފައިވަނީ ޕޯސްޓް ބިލްޑިންގ ގައި ހުންނަ އިސްލާމިކް ބޭންކުގެ އޮފީހުންނެވެ.
