ރަމަޟާންމަހު ތަކެތީގެ އަގު އެއްހަމައެއްގައި ހިފެހެއްޓުމަށް ސަރުކާރުން މަސައްކަތް ކުރަނީ
30 އެޕްރީލު 2019 | އަންގާރަ 12:38ކާޑުގެ ބާވަތްތަކާއި ފިޔާ، އަލުވި އަދި ބިސް ފަދަ ތަކެތީގެ އަގު ރަމަޟާން މަހާއި ދިމާކޮށް ބޮޑުވެގެންދޭ
ތަރުކާރީއާއި އެކި ބާވަތްތަކުގެ މޭވާ
ރަމްޟާންމަހު ތަކެތީގެ އަގު ބޮޑުނުވެ އެއްހަމައެއްގައި ހިފެހެއްޓުމަށް ސަރުކާރުން މަސައްކަތް ކުރަމުންދާ ކަމަށް އިކޮނޮމިކް މިނިސްޓްރީން ބުނެފިއެވެ
އިކޮނޮމިކް މިނިސްޓރިން ކޮށްފައިވާ ޓްވީޓެއްގައި ބުނީ އާންމުކޮށް އަދި އެންމެ ގިނައިން ބޭނުންކުރާ އަސާސީ ތަކެތީގެ އަގު މަތިވިޔަނުދީ ހިފެހެއްޓުމަށް ސަރުކާރުން މަސައްކަތް ކުރަމުންދާ ކަމަށެވެ.
އެގޮތުން ސަރުކާރު ހިއްސާވާ ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އާއި ގުޅިގެން ސަޕްލައި އިތުރުކޮށް ތަކެތީގެ އަގުތައް ހިފެހެއްޓުމުގެ މަސައްކަތް މިހާރު ކުރަމުންދާ ކަމަށް އެމިނިސްޓްރީގެ ޓްވީޓްގައި ބުނެފައި ވެއެވެ.
ޚާއްސަ ގޮތެއްގައި ރަމަޟާން މަހަކީ ކާބޯތަކެތީގެ އަގުތައް އެހެން މަސްތަކާއި ޚިލާފަށް ބޮޑުވެގެން ދާ މަހެކެވެ. އެގޮތުން ކާޑުގެ ބާވަތްތަކާއި ފިޔާ، އަލުވި އަދި ބިސް، ފަނިގިރުމަށް ބޭނުންކުރާ އެކި ބާވަތްތަކުގެ މޭވާޔާއި އަދި ތަރުކާރީ ފަދަ ތަކެތި ހިމެނެއެވެ.
މި މައްސަލައަށް ހައްލެއް ހޯދުމަށް ސަރުކާރުން މިހާރު ގިނަ މަސައްކަތްތަކެއް ކުރަމުންދާއިރު، އެސްޓީއޯ އިން ވަނީ ފިޔާ، އަލުވި އަދި ބިހާއި ކާޑުގެ ބާވަތްތަކުގެ އަގު ވަރަށް ބޮޑަށް ހެޔޮ ކޮށްފައެވެ.
