ރައީސް ޔާމީންގެ ޝަރީއަތް ކުރިއަށް، ކޯޓްގައި ދެ ގަޑިއިރު
25 އެޕްރީލު 2019 | ބުރާސްފަތި 09:54ޝަރިޔާތް ފަށަން ތާވަލު ކޮށްފައިވަނީ މެންދުރު 13:00 ގައި
ޔާމީން ކޯޓަށް ވަޑައިގަތުމަށް ކާރު ކޮޅަށް އަރައިވަޑައިގަންނަވަނީ
ކުރީގެ ރައީސް އަބްދުﷲ ޔާމީނުގެ މައްޗަށް އުފުލާފައިވާ ފައިސާ ލޯންޑަކުރިކަމަށް ބުނާ މައްސަލައިގެ ޝަރީއަތް ފަށައިފި އެވެ.
ރައީސް ޔާމީންގެ ޝަރީއަތް ކްރިމިނަލް ކޯޓުގައި ތާވަލްކޮށްފައިވަނީ މެންދުރު 13:00 ގައެވެ. އެ މައްސަލައިގެ ޝަރިއަތުގެ ފުރަތަމަ އަޑުއެހުން ބޭއްވީ ފެބްރުއަރީ 18 ވަނަ ދުވަހުއެވެ. ޝަރީއަތަށް އެ މަނިކުފާނު ނުފޫޒު ފޯރުއްވަފާވާނެ ކަމަށް ބެލެވި އެ ދުވަހު ޖަލުގައި ބަންދު ކުރިއެވެ. ޖަލުން ގޭބަންދަށް ބަދަލު ކުރެއްވުމަށް ފަހު އެ މަނިކުފާނު ކޯޓުން ދޫކޮށްލެއްވީ މާޗް މަހުގެ 28 ވަނަ ދުވަހުއެވެ.
ރައީސް ޔާމީންގެ މައްޗަށް ފައިސާ ލޯންޑަރކުރިމުގެ ދައުވާ އުފުލާފައި ވަނީ މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ)ގެ ބޮޑު ޚިޔާނާތުގެ ފައިސާ އެސްއެފްގެ އެކައުންޓެއް މެދުވެރިކޮށް އިސްލާމިކް ބޭންކްގައި ހުޅުވާފައިވާ އެ މަނިކުފާނުގެ އެކައުންޓަށް ޖަމާކޮށްފައި ވާތީއެވެ. އެސްއޯއެފުން އެމަނިކުފާނުގެ އެކައުންޓަށް ޖަމާކޮށްފައި ވަނީ އެއް މިލިއަން ޑޮލަރެވެ.
