ތަރިކައިގެ ދުވަހާއި ފަންނުވެރިންގެ ދުވަސް ފާހަގަކުރުމަށް ރޭވި ހަަރަކާތްތައް ފަސްކޮށްފިި
20 އެޕްރީލު 2019 | ހޮނިހިރު 08:05ހަރަކާތްތައް ބާއްވާނެ ތާރީޚެއް އިއުލާނު ކުރާނެ
ހުކުރު މިސްކިތް ސްޓޭޓް މިނިސްޓަރ ތޯރިޤު ބައްލަވާލައްވަނީ
ތަރިކައިގެ ދުވަހާއި ފަންނުވެރިންގެ ދުވަސް ފާހަގަ ކުރުމަށް މިނިސްޓްރީ އޮފް އާރޓްސް، ކަލްޗަރ އެންޑް ހެރިޓޭޖުން ރޭވި ހަަރަކާތްތައް ފަސްކޮށްފިިއެވެ.
ހޮނިހިރު ދުވަހު ހެރިޓޭޖް މިނިސްޓްރީން ކުރި ޓްވީޓެއްގައި ބުނީ، ދުނިޔޭގެ ތަރިކައިގެ ދުވަހާއި ދުނިޔޭގެ ފަންނުވެރިންގެ ދުވަސް ފާހަގަ ކުރަން ހޮނިހިރު ދުވަހު ސަލްޓަން ޕާކުގައި ބާއްވަން ހަމަޖެހިފައިވާ ހަރަކާތްތައް ވިއްސާރަވުމުގެ ސަބަބުން ލަސްކުރެވިފައިވާ ކަމަށެވެ.
މިނިސްޓްރީން ބުނީ، އެ ހަރަކާތްތައް ބާއްވާނެ ތާރީޚެއް ވަރަށް އަވަހަށް އިއުލާނު ކުރާނެ ކަމަށެވެ.
މި ހަވީރުގައި ކުޑަކުދިންނަށް ޚާއްސަ ކުޅިވަރާއި ތަފާތު އެކި ފަންނުވެރީންގެ ހުނަރު ދެއްކުމުގެ ތަފާތު ހަރަކާތްތަކުގެ އިތުރުން، "ފުޑް ސްޓޯލް"ތަކެއް ބެހެއްޓުމަށް ނިންމާފައިވާ ކަމަށް މިނިސްޓްރީން މައުލޫމާތުދެއެވެ.
މޫސުން ގޯސްވުމުގެ ސަބަބުން މިނިސްޓްރީން ރާވާފައިވާ ހަރަކާތްތައް ފަސްކޮށްފައިވާއިރު، ރާއްޖޭގެ ބޮޑުބަޔަކަށް އާދީއްތަ ދުވަހު ވެސް ވިއްސާރަ ކުރާނެ ކަމަށާއި، އަދި ބައެއް ރަށްތަކަށް ގުގުރުމާއެކު ބޯކޮށް ވާރޭވެހޭނެ ކަމަށް މެޓް އޮފީހުން ބުނެފައިވެއެވެ.
