ރާއްޖެ
އަލިފާނުގެ ހާދިސާ
މަޖީދީމަގުން ދުއްވާފައި ދިޔަ ކާރެއްގައި އަލިފާން ރޯވެއްޖެ
ރޯވެފައިވަނީ ކާރުގެ ހެޑްލައިޓްގައި
އަޒްލިފާ އަބްދުﷲ, ރާއްޖެ އެމްވީ | 16 އެޕްރީލު 2019 | އަންގާރަ 17:07
މަޖީދީމަގުގައި އަލިފާން ރޯވި ޓެކްސީ
މާލޭ މަޖީދީމަގުން ދުއްވާފައިދިޔަ ޓެކްސީއެއްގައި އަލިފާން ރޯވެއްޖެއެވެ.
ރާއްޖެ އެމްވީއަށް މައުލޫމާތު ދެމުން ފުލުހުންގެ މީޑިއާ އޮފިޝަލް ވިދާޅުވީ މަޖީދީ މަގު ކެމްޕަސް ފިހާރާ ކައިރިން ދުއްވާފައި ދިޔަ ކާރެއްގައި އަލިފާން ރޯވި ކަމުގެ މައުލޫމާތު ފުލުހުންނަށް ލިބިފައިވަނީ އަންގާރަ ދުވަހުގެ ރޭ 7:38 ހާއިރު ކަމަށެވެ.
ރޯވެފައިވަނީ ކާރުގެ ހެޑްލައިޓްގައި ކަމަށާއި މިހާރު އަލިފާން ނިއްވާލެވިފައިވާ ކަމަށް އޮފިޝަލް ވިދާޅުވިއެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާ ކަމަށާއި ފުލުހުންގެ އެހީތެރިކަމާއި އެކު ކާރު ވަނީ އިންޑަސްޓަރިއަލް ޒޯންއަށް ގެންދެވިފައި ކަމަށް ފުލުހުން މައުލޫމާތު ދެއެވެ.
