ސަރުކާރު އޮފީސްތަކާއި ކުންފުނިތަކުގައި ނަމާދުކުރެވޭނެ ގޮތް ހަމަޖައްސަނީ
16 އެޕްރީލު 2019 | އަންގާރަ 07:26ނަމާދުކުރެވޭ ގޮތް ހަމަޖެހިފައިނުވާ ތަންތަނުގައި ކުރެވޭނެ
ސަރުކާރުގެ ގިނަ އޮފީސްތަކެއް ހިންގާ ވެލާނާ ބިލްޑިންގ
ސަރުކާރުގެ އޮފީސްތަކާއި ކުންފުނިތަކުގައި ފަސޭހައިން ނަމާދުކުރެވޭނެ އިންތިޒާމު ހަމަޖެއްސުމަށް އިސްލާމިކް މިނިސްޓްރީން ނިންމައިފިއެވެ.
އަންގާރަ ދުވަހު އިސްލާމިކް މިނިސްޓަރ ޑރ. އަހުމަދު ޒާހިރު އަލީ ކުރެއްވި ޓްވީޓެއްގައި ވިދާޅުވީ، ސަރުކާރުގެ އޮފީސްތަކާއި ކުންފުނިތަކުގެ ތެރެއިން މުވައްޒަފުންނަށް ފަސޭހަކަމާ އެކު ނަމާދު ކުރެވޭނެ އިންތިޒާމު ހަމަޖެހިފައިނުވާ ތަންތަނުގައި ފަސޭހައިން ނަމާދު ކުރެވޭނެ ގޮތް ހަމަޖެއްސުމުގެ މަސައްކަތް އިސްލާމިކް މިނިސްޓްރީން ފަށާފައިވާ ކަމަށެވެ.
މި ސަރުކާރުން 100 ދުވަހުގެ ތެރޭގައި ކުރަން ނިންމާފައިވާ ކަންތައްތަކުގެ ތެރެއިން ގިނަ ވައުދުތައް ފުއްދަމުންދާއިރު، މިސްކިތްތަކުގައި ގުރުއާން ކިޔަވާދޭން ފެށުމުގެ ވައުދު ވެސް ވެރިކަމަށް މަހެއް ނުވަނީސް ވަނީ ފުއްދާފައެވެ. އޭގެ އިތުރުން، ފަރުޟު ހައްޖުވުމަށް ޕެންޝަން ފައިސާ ބޭނުންކުރުމުގެ ވައުދު ވެސް ދާދިފަހުން ސަރުކާރުން ވަނީ ފުއްދާފައެވެ.
