މާލޭގެ ޕަބްލިކް ޓްރާސްޕޯޓުގެ މަސައްކަތް ކުރުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާ ހަވާލުކޮށްފައިވާ ކަމަށް ޓްރާންސްޕޯޓް މިނިސްޓްރީގެ ސްޓޭޓް މިނސްޓަރު އަހްމަދު އާދިލް ވިދާޅުވެއްޖެއެވެ.
''ނިޔަމި'' ތައާރަފް ކުރުމަށް ޓްރާސްޕޯޓް އޮތޯރިޓީގައި ބޭއްވި ނޫސްވެރިންގެ ބައްދަލުވުމުގައި އާދިލް ވިދާޅުވީ މާލޭގެ ޕަބްލިކް ޓްރާސްޕޯޓުގެ މަސައްކަތް ކުރިއަށްދާ ކަމަށާއި، އެމަސައްކަތް އެމްޓީސީސީއާ ހަވާލުކޮށްފައިވާ ކަމަށެވެ.
އާދިލް ވިދާޅުވީ ޕަބްލިކް ޓްރާސްޕޯޓުގެ ޚިދުމަތް ފޯރުކޮށްދިނުމަކީ ސަރުކާރުގެ 100 ދުވަހުގެ ވައުދުގެ ތެރޭގައި ހިމެނޭ ކަމެއް ކަމަށެވެ. ހޯމަ ދުވަހަށް 100 ދުވަސް ހަމަވި މިޚިދުމަތް ނުދެވި ލަސްވަނީ އޯޑަރު ދިނުމަށާއި، ރޫޓްތައް ކަނޑައެޅުމުގެ އިތުރުން އިދާރީ ގޮތުން ކުރަންޖެހޭ ގިނަ މަސައްކަތްތައް ކުރަންޖެހޭތީ ކަމަށެވެ.
ޓްރާސްޕޯޓް މިނިސްޓްރީން ބުނީ މުޅި ރާއްޖޭގައި ޓްރާސްޕޯޓުގެ މާސްޓަރ ޕްލޭނެއް ހެދުމުގެ މަސައްކަތް ވެސް ޕްލޭނިންގ މިނިސްޓްރީއާއެކު ކުރިއަށްދާ ކަމަށެވެ.
