ކ. މާލެ
|
13 މާރޗް 2019 | ބުދަ 23:49
ޓްރާންސްޕޯޓް މިނިސްޓަރު އައިޝަތު ނަހުލާ
ޓްރާންސްޕޯޓް މިނިސްޓަރު އައިޝަތު ނަހުލާ
މުހައްމަދު ޝަރުހާން
އަައިޝަތު ނަހުލާ
ޔާމީންގެ އެއްވެސް ކެންޑިޑޭޓަކަށް ތާއީދެއް ނުކުރާނަން: މިނިސްޓަރު އައިޝާ
 
ޔާމީނަށް މައާފު ނުކުރާނެ ކަމަށް ވެސް ވިދާޅުވި
 
ދެމިހުންނާނީ ސަރުކާރު ދިފާއު ކުރުމުގައި ކަަމަށް ވިދާޅުވި

ޖަލަށްލާފައިވާ ކުރީގެ ރައީސް އަބްދުﷲ ޔާމީންގެ ތާއީދާ އެކު މަޖިލިސް އިންތިހާބަށް ވާދަ ކުރައްވާ އެއްވެސް ކެންޑިޑޭޓަކަށް ތާއީދު ނުކުރައްވާނެ ކަމަށް ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް އިބްރާހިމްގެ އަނބިކަނބަލުން އަދި ޓްރާންސްޕޯޓް މިނިސްޓަރު އައިޝަތު ނަހުލާ ވިދާޅުވެއްޖެއެވެ.

މިނިސްޓަރު އައިޝާ އެހެން ވިދާޅުވީ ހުޅުމާލޭގައި "ރިޓްރީޓް ހުޅުމާލެ" ނަމުގައި ރެސްޓޯރެންޓެއް ހުޅުވި ހަފްލާއެއްގައި "ރާއްޖެއެމްވީ"އިން ކުރި ސުވާލަކަށް ޖަވާބު ދެއްވަމުންނެވެ.

މިނިސްޓަރު ވިދާޅުވީ އެކަމަނާ ހުންނަވާނީ ސަރުކާރު ދިފާއު ކުރެއްވުމުގައި ކަމަށެވެ.

"އަބްދުﷲ ޔާމީންގެ ފަރާތުން ނުކުމެފައި ހުރި އެއްވެސް ކެންޑިޑޭޓަކަށް އަޅުގަނޑުގެ ތާއިދެއް ހަމަގައިމު ވެސް ނޯންނާނެ ވާހަކަ. އަޅުގަނޑު ހުންނާނީ ސަރުކާރާ އެކުގައި ކަން، އަޅުގަނޑު ގަބޫލު ކުރަނީ އަޅުގަނޑުމެންގެ މި ކޯލިޝަން ޖޭޕީ ވެސް އޮންނާނީ ހަމަ ޔަގީނުން ވެސް ސަރުކާރާ އެކު،" އައިޝާ ވިދާޅުވިއެވެ.

"ރިޓްރީޓް ހުޅުމާލެ" ރެސްޓޯރަންޓް ހުޅުވުމަށް ބޭއްވި ރަސްމިއްޔާތަށްފަހު ޓްރާންސްޕޯޓް މިނިސްޓަރު އައިޝަތު ނަހުލާ(މ) ފޮޓޯއަކަށް ހުއްޓިގެން-- ފޮޓޯ/ ރާއްޖެއެމްވީ

އެކަމަނާ ވިދާޅުވީ ރިޔާސީ ކެމްޕެއިން މަސައްކަތްތަކެއް ކުރެއްވި ކަމަށާއި ކެމްޕެއިން ތެރޭގައި ވަރަށް ސާފު ބަހުން، ޔާމީނަށް މައާފު ނުކުރައްވާނެ ކަމަށް ވިދާޅުވެފައިވާނެ ކަމަށެވެ. އެތައް ރައްޔިތުންނެއްގެ ކިބައިން ސަލާން ޖަހައި އާދޭސްކޮށްގެން ސަރުކާރު ގެނައީ އަމާންކަމާއި މިނިވަންކަމާ އެކު ދިރިއުޅެވޭނެ މާހައުލެއް ހޯދައިދިނުމަށް ކަމަށް އައިޝާ ވިދާޅުވިއެވެ.

"ކެމްޕެއިނެއް ނިމިގެންދިޔައިރު ކޮންމެ ވެސް ވަރެއްގެ މަސައްކަތްތަކެއް ކުރެވުނު ކަމަށް ގަބޫލު ކުރަން. ކެމްޕެއިން ތެރޭގައި ވަރަށް ރަނގަޅަށް ވަރަށް ސާފު ބަހުން އަޅުގަނޑު ދެންނެވިން ދުވަހަކު ވެސް ޔާމީނަށް މައާފު ނުކުރާނެ ވާހަކަ،" އައިޝާ ވިދާޅުވިއެވެ.

ޔާމީންގެ ތާއިދާ އެކު މަޖިލިސް އިންތިހާބަށް ނުކުންނަ ކެންޑިޑޭޓަކަށް ތާއިދު ނުކުރައްވާނެ ކަމަށް އައިޝާ ވިދާޅުވެފައި ވަނީ ޖޭޕީ އާއި ޕީޕީއެމް/ޕީއެންސީ ގުޅިގެން މަޖިލިސް އިންތިހާބުގައި ވާދަ ކުރުމަށް ނިންމަވާފައި ވަނިކޮށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޙުސައިން ޙަސަން
0%
12%
0%
0%
4%
84%
ކޮމެންޓް
14 މާރޗް 2019 | ބުރާސްފަތި 05:07
މުޙައްމަދު
. ސާބަސް އައިޝާ ވިސްނަވަންވާނެ ތި ނަންކިޔާ މީހުންނަކީ ވަރުގަދަ ސުލޫކެއްގެ މަތީގައި ތިބެން ޖެހޭނެ ބައެއްކަން
13 މާރޗް 2019 | ބުދަ 19:35
Aslu
އަހަރެމެންނައް ޔާމިން ކިހާ އަނިޔާއެއްކުރި އަހަރެން ފަދައިން ކަމަނާވެސް ހަދާން އެބަހުރި. ތީހަމަ އެމް ޑީ ޕީ ގެ ލޭހުރި ދަރިއެއް. މާތްﷲ ކަމަނާއައް ހެޔޮރަހުމަތް ލައްވާށި. އާމީން
13 މާރޗް 2019 | ބުދަ 18:47
ihaaru.
މިވަރުގެ ހެޔޮލަފާ ހަބަރެއް މިދިޔަ 40 އަހަރުގެތެރޭގަވެސް ނާހަން
13 މާރޗް 2019 | ބުދަ 18:41
ihaaru.
ތިވާހަކަ ސޭޓު އަންހެނުންގެ ފިރިމީހާ ގާތުބުނެލަބަލަ!މ
13 މާރޗް 2019 | ބުދަ 18:37
Galuge dhilun
Zamaanthakuge therein zamaaneh annaane kan ezamaanewgaa abin emeehunge fireennah kiyamannuvaa other maakurinves Egifa mièe Ezamaanah vaneebaa aa settings aanhenige firimeehaa ah anbigoyye kiyamaneh nuveyoala
13 މާރޗް 2019 | ބުދަ 18:00
ޖޫޕް
ވަރަށް ރީތި