އެއް އަހަރުގެ ކުއްޖަކަށް ޖިންސީ ގޯނަކުރި 11 އަހަރުގެ ކުއްޖަކަށް ފުރަތަމަ ދަރަޖާގައި ދައުވާކުރަނީ!
3 މާރިޗު 2019 | އާދީއްތަ 02:15އަންހެން ކުއްޖާ ހައްޔަރުކުރީ ތުއްތު ކުއްޖާއަށް ލިބުނު ޒަހަމްތަކަށް ފަރުވާދެމުން ދަނިކޮށް މަރުވުމާއި ގުޅިގެން
މެރިލެންޑުގެ ފުލުހުން ބޭއްވި ނޫސްވެރިންގެ ބައްދަލުވުމުގެ ތެރެއިން | ޔޫސީއެލްއޭ
އެމެރިކާގެ މެރިލެންޑްގައި އެއް އަހަރުގެ ފިރިހެން ކުއްޖަކަށް ޖިންސީ ގޯނާކުރި އެގާރަ އަހަރުގެ އަންހެން ކުއްޖާއަށް ފުރަތަމަ ދަރަޖާގައި ދައުވާކުރަން ފުލުހުން ނިންމައިފިއެވެ.
ޕެކްސްޓަން ޑޭވިސް ނަމަކަށް ކިޔުނު ތުއްތު ކުއްޖާއަށް ކުރި ޖިންސީ ގޯނާތަކާއި ގުޅިގެން އަންހެން ކުއްޖާ ފުލުހުންގެ ބެލުމުގެ ދަށަށް ގެންދިޔައީ، އެ ކުއްޖާއަށް ލިބުނު ޒަހަމްތަކަށް ފަރުވާދެމުން ދަނިކޮށް މަރުވުމާއި ގުޅިގެންނެވެ. އެ އަންހެން ކުއްޖާ ޕެކްސްޓަންއަށް ހަމަލާ ދިނީ، އަންހެން ކުއްޖާގެ މަންމަ އެ އަންހެން ކުއްޖާގެ ހަވާލުގައި ބެހެއްޓުމަށް ފަހު ބޭރަށް ދިޔަ ވަގުތުގައެވެ. އަދި އެ ވަގުތު ޕެކްސްޓަން ބަލަން ހުރީ އެ އަންހެން ކުއްޖާ އެކަނިކަމަށް ވެސް އެ ސަރަހައްދުގެ ފުލުހުން ވަނީ ބުނެފައެވެ.
ޕެކްސްޓަން ހޮސްޕިޓަލަށް ގެންދިޔުމާއި އެކު، ހޮސްޕިޓަލުގައި މަސައްކަތްކުރާ މުއައްޒަފުން ވަނީ ފުލުހުންނަށް ގުޅާ، އެ ކުއްޖާއަށް ޖިންސީ ގޯނާކޮށްފައިވާ ކަމަށް ބެލެވޭ ކަމަށް ބުނެފައެވެ. އެ ކުއްޖާ މަރުވީ ފަރުވާ ހަމަލާދިންތާ 4 ދުވަސް ފަހުންނެވެ.
ޕެކްސްޓަން އެ އަންހެން ކުއްޖާގެ ގޭގައި ހުރީ، އޭނާގެ އާއިލާއާއި އަންހެން ކުއްޖާގެ އާއިލާއާއި އޮތް ރައްޓެހިކަމުގެ ގުޅުމުގެ ސަބަބުންނެވެ. އަދި މީގެ ކުރިންވެސް ޕެކްސްޓަން އެ ގޭގައި ވަގުތު ހޭދަ ކޮށްފައިވާ ކަމަށް މެރިލެންޑްގެ ފުލުހުން ވަނީ ބުނެފައެވެ. އެ އަންހެން ކުއްޖާ ބަންދުގައި ބަހައްޓާފައި ހުރި ޖުވެނައިލް ޖަލެއްގައި ކަމަށް ވެސް ފުލުހުން ވަނީ ބުނެފައެވެ.
މެރިލެންޑުގައި ފުރަތަމަ ދަރަޖައިގައި ކުޑަކުއްޖަކަށް ޖިންސީ ގޯނާކުރުމުގެ ސަބަބުން އެ ކުއްޖާ މަރުވުމުގެ ކުށް ސާބިތުވުމުގެ އަދަބަކީ 30 އަހަރަށް ޖަލަށްލުމެވެ.
