އޯއައސީގެ ކައުންސިލް ބައްދަލުވުމަށް ޝާހިދު ޔޫއޭއީއަށް ވަޑައިގެންފި
1 މާރިޗު 2019 | ހުކުރު 07:11ލިބިފައިވާ ކުރިއެރުންތަކާ ބެހޭ ގޮތުން ޝާހިދު ވާހަކަފުޅު ދައްކަވާނެ
ފޮރިން މިނިސްޓަރު ޝާހިދު އޯއައިސީ ކައުންސިލް ބައްދަލުވުމުގައި ބައިވެރިވެވަޑައިގަންނަވަނީ
އޯގަނައިޒޭޝަން ފޯ އިސްލާމިކް ކަންޓްރީސް (އޯއައިސީ)ގެ ހާރިޖީ ވަޒީރުންގެ 46 ވަަނަ ކައުންސިލް ބައްދަލުވުމުގައި ބައިވެރިވެވަޑައިގަތުމަށް ފޮރިން މިނިސްޓަރު އަބްދުﷲ ޝާހިދު ޔޫއޭއީ އަށް ވަޑައިގެންފިއެވެ.
ދުނިޔޭގެ މުސްލިމުންގު އަޑު އުފުލައި މުސްލިމު ގައުމުތަކުގެ މެދުގައި ސުލްހަ އާއި ހަމަޖެހުން ގާއިމްކުރުމުގެ ގޮތުން 1969 ވަނަ ސައުދި އަރަބިއްޔާގައި ވުޖޫދަށް އައި އޯއައިސީ މެމްބަރު 57 ގައުމެއް ހިމެނޭއެވެ. ދިވެހިރާއްޖެ އޯއަސީގެ މެމްބަރަކަށްވެފައި ވަނީ 1976 ވަނަ އަހަރުއެވެ.
އޯއަސީގެ ބައްދަލުވުމަށް ޝަހިދު ވަޑައިގަތުމުން އޭނާ އަށް މަރުހަބާ ދެންނެވީ، ރާއްޖެއިން ޔޫއެއީ އަށް ކަނޑައަޅުއްވާފައިވާ ސަފީރު ޑރ.ހުސޭން ނިޔާޒްގެ އާއި ޔޫއޭއީގައި ހުންނަ ރާއްޖޭގެ އެމްބަސީގެ އޮފިޝަލުންނެވެ.
ހުކުރު ދުވަހު ހެނދުނު އަބުދާބީ ގައި ފަށާފައިވާ މި ބައްދަލުވުމުގައި ރާއްޖެއަށް ސިޔާސީ އަދި ޑިމޮކްރެޓިކް ގޮތުން ލިބިފައިވާ ކުރިއެރުންތަކާއި ބެހޭ މައުލޫމާތު މިނިސްޓަރު ޝާހިދު މެމްބަރު ގައުމަތުކާއި ހިއްސާކުރައްވާނެ ކަމަށް ފޮރިން މިނިސްޓްރީން މައުލޫމާތު ދެއެވެ.
ފޮރިން މިނިސްޓަރުގެ މި ދަތުރުފުޅުގައި، ފޮރިން މިނިސްޓްރީގެ ޑެޕިއުޓީ މިނިސްޓަރު އަބްދުﷲ ހަމީދު، އާއި އެޑިޝަނަލް ސެކެރެޓަރީ ޖާވިދް ފައިޒަލްގެ އިތުރުން ފޮރިން މިނިސްޓްރީގެ ކޮމިއުނިކޭޝަން ޑިރެކްޓަރ މިއުވާން މުހައްމަދު ވެސް ބައިވެރިވެވަޑައިގަންނަވާނެއެވެ.
ދެ ދުވަހުގެ މުއްދަތަށް ކުރިޔަށްދާ މި ކޮންފަރެންސް ފައްޓަވައިދެއްވީ ޔޫއޭއީގެ ހާރިޖީ ވަޒީރު ޝޭހް އަބްދުﷲ ބިން ޒައެދް އަލް ނަހްޔާންއެވެ. މި ފަހަރުގެ ސަމިޓްގައި ހާއްސަ މެހެމާނެއްގެ ގޮތުގައި ބައިވެރިވެވަޑައިގަންނަވަނީ އިންޑިއާގެ ހާރިޖީ ވަޒީރު ޝުޝްމާ ސުވަރާޖްއެވެ. މި ފަަހަރުގެ މި ބައްދަލުވުމުގެ އެޖެންޑާގައި އަރަބް-އިޒްރޭލް މައްސަލަވެސް ހިމެނެއެވެ.
