ރާއްޖެ
ރާއްޖޭގެ މޫސުން
ގަމަށް ބޯކޮށް ވާރެވެހި ގެތަކަށް ފެންވަދެއްޖެ
މެޓް އޮފީހުން ވަނީ މ. އަތޮޅުން ފެށިގެން ގދ. އަތޮޅަށް ޔެލޯ އެލާރޓް ނެރެފައި
އަޒްލިފާ އަބްދުﷲ, ރާއްޖެ އެމްވީ | 26 ފެބުރުއަރީ 2019 | އަންގާރަ 14:39
ލ. ގަމުގެ މަގުމަތީގައި ފެންބޮޑުވެފައި
ރާއްޖޭގެ ދެކުނުގެ އަތޮޅުތަކަށް ކުރަމުންދާ ވިއްސާރައިގައި ލ. ގަމަށް ބޯކޮށް ވާރޭވެހި ގޭގެއަށް ފެންވަދެއްޖެއެވެ.
އެމްއެންޑީއެފުން ބުނީ ހަތް ގެއަކަށް ފެން ވަދެފައިވާ ކަމަށާއި ފެން ހިންދުމުގެ މަސައްކަތް އެމްއެންޑީއެފުން ކުރަމުންދާ ކަމަށެވެ.
މީގެ އިތުރުން މަގުތަކުން ފެން ހިންދުމުގެ މަސައްކަތް ވެސް އެމްއެންޑީއެފް ސެންޓްރަލް އޭރިއާގެ ސިފައިން ކުރަމުންދާ ކަމަށް އެމްއެންޑީއެފުން މައުލޫމާތު ދެއެވެ.
މޫސުން ގޯސްވުމުގެ ސަބަބުން އަންގާރަ ދުވަހު މެޓް އޮފީހުން ވަނީ މ. އަތޮޅުން ފެށިގެން ގދ. އަތޮޅުގެ ރަށްތަކަށް ޔެލޯ އެލާރޓް ނެރެފައެވެ.
މެޓް އޮފީހުން ޔެލޯ އެލާރޓް ނެރެފައި ވަނީ އަންގާރަ ދުވަހުގެ ހަވީރު 17:00 އިން 20:00 އަށެވެ.
