އައިއެސްއޯ 17025 ލީޑް އިމްޕްލިމެންޓަރ ޓްރެއިނިންގައި ބައިވެރިވުމަށް ފުލުހުންގެ ވަފުދެއް އިންޑިއާއަށް ފުރައިފި
25 ފެބުރުއަރީ 2019 | ހޯމަ 07:23ޓްރެއިނިންގައި ބައިވެރިވުމަށް އިންޑިއާގެ ޗެންނާއީއަށް އެކި ރޭންކުތަކުގެ 10 ފުލުހަކު ވަނީ ގޮސްފަ
މޯލްޑިވިސް ޕޮލިސް ސާރވިސް
އައިއެސްއޯ 17025 ލީޑް އިމްޕްލިމެންޓަރ ޓްރެއިނިންގައި ބައިވެރިވުމަށް ފުލުހުންގެ ވަފުދެއް އިންޑިއާއަށް ފުރައިފިއެވެ.
ފުލުހުން ބުނެފައިވަނީ ފެބުރުވަރީ 24ން މާރޗު 2ކަށް ކުރިއަށްދާ މި ޓްރެއިނިންގެ ތެރެއިން، ފުލުހުންގެ ފޮރެންސިކް ލެބޯޓްރީ އައިއެސްއޯ 17025ގެ މިންގަނޑަށް ގެނައުމަށް ކުރަންޖެހޭ މަސައްކަތްތައް ކުރުމާއި ދެމުންގެންދާ ޚިދުމަތްތައް އިތުރަށް ރަނގަޅު ކުރުމަށް ކުރަންޖެހޭ ކަންކަމުގެ ތަމްރީނު ބައިވެރިވާނެ ކަމަށެވެ. އަދި ފުލުހުންގެ ފޮރެންސިކް ލެބޯޓްރީގައި ބޭނުން ކުރާ އާލާތްތައް ބެލެހެއްޓުމާއި ބޭނުން ކުރުމަށް މުވައްޒަފުން ތަމްރީނުވުމުގެ އިތުރުން އައިއެސްއޯ 17025ގެ މިންގަނޑުގައި ފުލުހުންގެ ފޮރެންސިކް ލެބޯޓްރީ އަބަދުވެސް ބެހެއްޓުމަށްޓަކައި އިންޓަރނަލް އޮޑިޓަރުން ތަމްރީނުވެގެންދާނެކަމަށް ވެސް ފުލުހުން ވަނީ ބުނެފައެވެ.
އިންޑިއާއަށް ދިޔަ ފުލުހުން
މޯލްޑިވްސް ޕޮލިސް ސަރވިސްގެ ފަރާތުން މިއަހަރުގެ ޕަބްލިކް ސެކްޓަރ އިންވެސްޓްމެންޓް ޕްރޮޖެކްޓަށް ހުށަހަޅާފައިވާ ޕްރޮޖެކްޓްތަކުގެ ތެރޭގައި ހިމެނޭ މި ޓްރެއިނިންގައި ބައިވެރިވުމަށް އިންޑިއާގެ ޗެންނާއީއަށް އެކި ރޭންކުތަކުގެ 10 ފުލުހަކު ވަނީ ގޮސްފައެވެ.
.
