އެއަރ ޝޯއެއްގެ ރެހާސަލްގައި ބޯޓް ވެއްޓި އިންޑިއާ ޕައިލެޓަކު މަރުވެއްޖެ
21 ފެބުރުއަރީ 2019 | ބުރާސްފަތި 02:39ޝެލްކޭއަކީ ސޫރްޔާ ކިިރަން އެއިރޯބެޓިކް ޓީމްގެ ދެވަނައަށް އެންމެ އިސް ކޮމާންޑަރު
ކޮމާންޑަރ ސާހިލް ގާންދީ މަރުވެފައިވަނީ ބޯޓް ވެއްޓުނުތަނުގައި
އިންޑިއާގެ ވައިގެ ސިފައިންގެ ދައްކާލުމަކަށް ތައްޔާރުވުމަށް ރެހާސަލް ކުރިޔަށް ގެންދަނިކޮށް ވައިގެ ތެރޭގައި ދެ މަތިންދާ ބޯޓް ޖެހި ހިނގި އެކްސިޑެންޓްގައި ޕައިލެޓަކު މަރުވެ އިތުރު ދެ މީހަކު ޒަޚަމް ވެއްޖެއެވެ.
އަންގާރަ ދުވަހު މި އެކްސިޑެންޓް ހިނގާފައި ވަނީ ބެންގަލޫރުގައި އެއިރޯ އިންޑިއާ އެއަރޝޯ އަށް ޕްރެކްޓިސް ކުރަމުން ދަނިކޮށް ދެ ބޯޓް ޖެހިގެންނެވެ. އެކްސިޑެންޓް ހިނގުމާ އެކު ދެ ޕައިލެޓަކު ވައިކުޑައިގައި ބޯޓުން ފުންމާލި ނަމަވެސް މަރުވި ޕައިލެޓް ވަނީ ބޯޓުގައި ތާށިވެފައެވެ. ސަލާމަތްވި އެކަކު ވައިކުޑައިގައި ވެއްޓިފައި ވަނީ ބޯޓު ވެއްޓި ރޯވެފައިވާ އަލިފާންގަނޑަށެވެ. އެހެންކަމުން އޭނާ ވެސް ވަނީ ޒަހަމްތަކެއް ލިބިފައެވެ.
ކޮމާންޑަރ ސާހިލް ގާންދީ މަރުވެފައިވަނީ ބޯޓް ވެއްޓުނުތަނުގައެވެ.
ވިންގް ކޮމާންޑަރ ވިޖޭ ޝެލްކޭ އަދި ސްކޮޑްރަން ލީޑަރ ތޭޖޭޝްވަރު ސިންހަށް ކޮމާންޑް ހޮސްޕިޓަލުގައި ދަނީ ފަރުވާ ދެމުންނެވެ. ޝެލްކޭއަކީ ސޫރްޔާ ކިިރަން އެއިރޯބެޓިކް ޓީމްގެ ދެވަނައަށް އެންމެ އިސް ކޮމާންޑަރެވެ.
