ހާލެޕް ބަލިކޮށް ގަތަރު އޯޕަން ޓެނިސް މުބާރާތް އެލީސް ކާމިޔާބު ކޮށްފި!
17 ފެބުރުއަރީ 2019 | އާދީއްތަ 05:37އެލީސް ކާމިޔާބު ކުރީ ތިން ސެޓު ދެސެޓުން
އެލީސް މާރޓިން
ސައިމޯނާ ހާލެޕް ބަލިކޮށް ގަތަރު އޯޕަން ޓެނިސް މުބާރާތް އެލީސް މާރޓިން ކާމިޔާބު ކޮށްފިއެވެ.
ހޮނިހިރު ދުވަހު ކުޅުނު މެޗު އެލީސް ކާމިޔާބު ކުރީ ތިން ސެޓު ދެސެޓުންނެވެ.
ފުރަތަމަ ސެޓު ހާލެޕް 3-6 ކާމިޔާބު ކުރިއިރު ފަހު ދެ ސެޓު އެލީސް ކާމިޔާބު ކުރީ 4-6 އަދި 3-6 ގެ ނަތީޖާއަކުންނެވެ.
ވާދަވެރި ކުޅުމެެއް ދެ ކުޅުންތެރިން ފަރާތުން ފެނިގެން ދިޔަ މެޗުގައި ހާލެޕްގެ ފަރާތުން އެލީސްއަށް ވަރުގަދަ ހަމަލާތަކެއް ދެމުން ދިޔައެވެ.
ފުރަތަމަ ސެޓުގައި ހެދުނު ގޯސްތައް ރަނގަޅުކޮށް ފަހު ދެސެޓުގައި އެލީސް ފަރާތުން ފެނިގެން ދިޔައީ ވަރަށް ރަނގަޅު ކުޅުމެކެވެ. ނަތީޖާއެއްގެ ގޮތުން ޖެހި ޖެހިގެން ދެސެޓުން ހާލެޕް ބަލިކޮށް މެޗު ކާމިޔާބުކުރިއެވެ.
ރޭންކިންގްގެ ތިންވަނަ ކަމަށްވާ ސައިމޯނާ ހާލެޕް ބަލި ކުރުމަށް ފަހު އެލީސް މާރޓިން އޭނާގެ ޓެނިސް ކެރިއަރުގެ އެންމެ ބޮޑު ކާމިޔާބީއެވެ. އެލީސް މާރޓިން އަކި ރޭންކިންގެ 21 ވަނައެވެ.
2014 ވަނަ އަހަރުގެ ގަތަރު އޯޕަން ޓެނިސް މުބާރާތް ކާމިޔާބު ކޮށްފައިވާ ހާލެޕް ބުނީ، ޓްރޮފީ ވަރަށް ބޭނުން ކަމަށެވެ. އެހެން ނަމަވެސް މިއަހަރުގެ ޓްރޮފީގެ ހައްގު ވެރިޔަކީ އެލީސް ކަމަށެވެ.
