އެލީނާ ބަލިކޮށް ގަތަރު އޯޕަން ޓެނިސް މުބާރާތުގެ ފައިނަލަށް ހާލެޕް!

ގަތަރު އޯޕަން ޓެނިސް މުބާރާތުގެ ފައިނަލަށް އެލީނާ ސްވިޓޯލިނާ ބަލިކޮށް ސައިމޯނާ ހާލެޕް ގޮސްފިއެވެ.

ދުނިޔޭގެ ރޭންކިންގެ ތިންވަނަ ކަމަށްވާ ހާލެޕް، އެލީނާ ބަލިކުރީ ތިންސެޓު ދެސެޓުން މެޗު ކާމިޔާބު ކޮށްގެންނެވެ. ފުރަތަމަ ސެޓު 3-6 ކުން ހާލެޕް ގެންދިޔައިރު ދެވަނަ ސެޓު 3-6 ގެނދިޔައީ އެލީނާއެވެ. ކުޅުން ރަނގަޅުކޮށް ތިންވަނަ ސެޓު ހާލެޕް ގެންދިޔައީ 4-6 ކުންނެވެ.

މެޗުގައި ދެ ކުޅުންތެރިން ފަރާތުންވެސް ރަނގަޅު ކުޅުމެއްފެނިގެން ދިޔައިރު 1-5 ކުން ސެޓު ކާމިޔާބު ކުރުމުގެ ފުރުސަތު އެލީނާއަށް ލިބި ވަނީ ކާމިޔާބު ކުރެވޭގޮތް ނުވެފައެވެ.

މެޗު ކާމިޔާބު ކުރި ސައިމޯނާ ހާލެޕްއަކީ 2008 ވަނަ އަހަރުގަޔާއި، 2009 އަހަރު ގްރޭންޑް ސްލޭމް ޓައިޓަލް ކާމިޔާބު ކުރިފަރާތެވެ. 2010 ވަނަ އަހަރު ދުނިޔޭގެ ގަދަ 50 ޓެނިސް ކުޅުންތެރިންތެރޭ ހިމެނިފައިވާ ހާލެޕް ވަނީ، 2018 ވަނަ އަހަރު ފްރެންޗް އޯޕަން ޓައިޓަލް ދެފަހަރަށް ހޯދާ ރޭންކިންގެ އެއްވަނައަށް ވެސް އަރާފައެވެ.

މެޗުން ބަލިވި ޔޫކްރެއިންނަށް އުފަން އެލީނާ ޓެނިސް ކުޅެންފެށީ އުމުރުން 12 އަހަރުގައެވެ. 2015 ވަނަ އަހަރު ގްރޭންޑް ސްލޭމް ޓައިޓަލް ހޯދާފައިވާ އެލީނާ ވަނީ 2016 ވަނަ އަހަރު އޮލިމްޕިކްސްގެ ކުއާޓާ ފައިނަލް ކުޅެފައެވެ. ޑަބްލިއުޓީއޭ 2018 ވަނަ އަހަރު ކާމިޔާބު ކޮށްފައެވެ.