ސާރޭ ޖަހާސެ އައްޗާއިން ޝާހު ނުފެންނާނެ ކަމުގެ އަޑުތައް ފެތުރެން ފަށައިފި
30 ޖެނުއަރީ 2019 | ބުދަ 15:43ސާރޭ ޖަހާސެ އައްޗާއަކީ ބެލުންތެރިން އިންތިޒާރު ކުރަމުން އަންނަ ފިލްމެއް
ވިކީ ކައުޝަލް
ހިންދީ ފިލްމު "ސާރޭ ޖަހާސެ އައްޗާ" އިން ބޮލީވުޑްގެ މަޝްހޫރު ފިލްމީ ތަރި ޝާހުރުކުޚާން ފެނުމުގެ ފުރުސަތު ކުޑަކަމަށް އަޑުތައް ފެތުރެން ފަށައިފިއެވެ .
ފިލްމު ސާރޭ ޖަހާސެ އައްޗާއަކީ މިހާރުވެސް ބެލުންތެރިން އިންތިޒާރު ކުރަމުން އަންނަ ފިލްމެކެވެ. އަދި ފިލްމާއި ދޭތެރެ އެކި ގޮތްގޮތަށް އެކި ވާހަކަ ދައްކަމުންދާ މި ދަނޑިވަޅުގައި އެންމެ މުހިންމު އެއްވާހަކައަކީ މި ފިލްމުން ޝާހް ފެނުމުގެ ފުރުސަތު ކުޑަކަމުގެ ވާހަކައެވެ.
ޝާހްގެ ބަދަލުގައި ދެން މިފިލްމުން ފެންނާނެ ކަމަށް ބެލެވެނީ އުމުރުން 35 އަހަރުގެ ވިކީ ކައުޝަލެވެ. އޭނާ ފެންނާނެ ކަމަށް ބެލެވެނީ ފިލްމުގެ ލީޑް ރޯލުންނެވެ.
ވިކީ އަކީ މިހާރު ބޮލީވުޑްގައި އެންމެ ހަލުވިކަމާއި އެކު ކުރިއަރަމުން އަންނަ އެއްފަންނާނެވެ.
މަޝްހޫރު ޑައިރެކްޓަރ އަދި ޕްރޮޑިއުސަރ ރާކޭޝް ޝަރުމާގެ ސާރޭ ޖަހާސެ އައްޗާގައި ޝާހް ކުޅުމަށް ހަމަޖެހިފައިވަނީ އެސްޓްރޮނޯޓެއްގެ ބައެވެ.
މަޝްހޫރު ފިލްމީ ތަރި އާމިރުޚާން ކުރިން މިފިލްމް ކުޅޭގޮތަށް ހަމަޖެހިފައި ވީނަމަވެސް އާމިރުވަނީ ފިލްމަށް ޝާހް ރިކޮމެންޑް ކޮށްފައެވެ. ނަމަވެސް އެންމެ ފަހުން ޝާހު ކުޅުނު ފިލްމު "ޒީރޯ" ވެސް ވަނީ ފްލޮޕް ފިލްމަކަށް ވެފައެވެ. އެހެންކަމުން މިފިލްމުގެ ލީޑްރޯލުން ޝާހު ފެނުމުގެ ބަދަލުގައި ޒުވާން ތަރިއަކު ފެނިއްޖެނަމަ ފިލްމު މާބޮޑަށް ވެސް ކާމިޔާބު ވާނެކަމަށް ފިލްމުގެ ޕްރޮޑިއުސަރު ބުނެފައި ވެއެވެ.
އަދި އާމިރު އާއި ޝާހަށް މި ފުރުސަތު ގެއްލި ވިކީއަށް މި ފުރުސަތު ލިބިއްޖެނަމަ ވިކީގެ ފިލްމީ ހަޔާތަށް ވަރަށްބޮޑު ކުރިއެރުމެއް އަންނާނެކަމަށް ގިނަ ބަޔަކު ގަބޫލު ކުރެއެވެ.
