ލޯނެއްގެ ދަށުން ބޯޓެންގް ބާސާއަށް ސޮއިކޮށްފި

ސަސޫލޯ ދޫކޮށް، ލޯން އެއްބަސްވުމެއްގެ ދަށުން ކެވިން ޕްރިންސް ބޯޓެންގް ބާސެލޯނާއަށް ސޮއިކޮށްފިއެވެ.

ބޯޓެންގް ބާސާއަށް ސޮއިކޮށްފައިވަނީ މި ސީޒަނުގެ ނިޔަލަށް ދެ މިލިއަން ޔޫރޯއަށެވެ. އަދި ދާއިމީ ގޮތެއްގައި ކްލަބުގައި ބޯޓެންގް ކްލަބުގައި ބަހައްޓަން ބާސާއިން 8 މިލިއަން ޔޫރޯ ހަރަދުކުރަން ޖެހޭނެއެވެ.

ބާސެލޯނާއިން ފުރުސަތު ލިބުމުން ބޯޓެން ބުނީ ކެރިއަރުގެ މި ހިސާބުގައި އެޓީމަށް ކުޅެން ލިބުމުން ފުރުސަތު ދޫކޮށްނުލެވުނު ކަމަށާއި، ބާސެލޯނާއާއެކު ކާމިޔާބު ދުވަސްތަކެއް ހޭދަކުރަން ބޭނުންވާކަމަށެވެ.

އުމުރުން 31 އަހަރުގެ ބޯޓެންގްއަކީ ބާސާއަށް ކުޅޭ ފުރަތަމަ ގާނާ ކުޅުންތެރިޔާއެވެ. އޭނާ ވަނީ ދުނިޔޭގެ ނަން މަޝްހޫރު ގިނަ ކްލަބްތަކަށް ކުޅެ ގިނަ ކާމިޔާބީތަކެއް ހޯދާފައެވެ.

އެގޮތުން ޓޮޓެންހަމް ހޮޓްސްޕާ، ބްރޫޝިއާ ޑޯޓްމަންޑް އަދި އޭސީ މިލާނަށް ބޯޓެންގް ވަނީ ކުޅެފައެވެ. އޭނާ ވަނީ އޭސީ މިލާނާއެކު އިޓާލިއަން ލީގު އަދި އިޓާލިއަން ކަޕް ކާމިޔާބުކޮށްފައެވެ.

ގާނާ ގައުމީ ޓީމަށް ކުޅުނު 15 މެޗުގައި ދެ ލަނޑު ކާމިޔާބުކޮށްފައިވާ ބޯޓެންގް ވަނީ 2011 ވަނަ އަހަރު ގައުމީ ޓީމަށް ކުޅުން ހުއްޓާލާފައެވެ.