އިސްރާއީލުގެ އާ އެއާޕޯޓް އުރުދުންގެ ސަރަހައްދީ ރޮނގު ކައިރީގައި
21 ޖެނުއަރީ 2019 | ހޯމަ 18:25އެއަރޕޯޓް ފުރަތަމަ ބޭނުންކުރާނީ އެތެރޭގެ އުދުހުންތަކަށް
އެއަރޕޯޓް ރަސްމީކޮށް ހުޅުއްވާ ދެއްވީ ބޮޑުވަޒީރު ބެންޖަމިން ނަތަންޔާހޫ
އިސްރާއީލުން އުރުދުންގެ ސަރަހައްދީ ރޮނގާއި މަދު ކިލޯމީޓަރުތަކެއްގެ ދުރުމިނުގައި އެ ގައުމުގެ އާ އިންޓަނޭޝަނަލް އެއަރޕޯޓް ހޯމަ ދުވަހު ހުޅުވައިފިއެވެ.
އެއަރޕޯޓް ހުޅުވައިދެއްވުމުގެ ގޮތުން ބޮޑުވަޒީރު ބެންޖަމިން ނަތަންޔާހޫވަނީ ފުރަތަމަ ފްލައިޓްގައި އެ އެއަރޕޯޓަށް ވަޑައިގެންފައެވެ.
ފްލައިޓް ޖެއްސުމާއެކު ކޮކްޕިޓުން ލައުޑް ސްޕީކަރ ނެރުއްވައި ނަތަންޔާހޫ ވިދާޅުވީ" މިއީ ރާމޮން އެއަރޕޯޓް މިއީ އަރީކާ 683 އަޅުގަނޑުމެން މިތިބީ ވަރަށް އުފާވެފައި" ކަމަށެވެ.
އާ އެއަރޕޯޓަށް ނަންދީފައިވަނީ ޖައްވީ އުޅަނދު ކޮލަމްބިއާ ވެއްޓުނު ހާދިސާގައި މަރުވި އިސްރާއީލުގެ އެސްޓްރޮނޯޓް އިލަން ރާމޮންގެ ނަމުންނެވެ. އޭނާއަކީ އިސްރާއީލުގެ ފުރަތަމަ އެސްޓްރޮނޯޓެވެ.
އެންމެ ފުރަތަމަ މި އެއަރޕޯޓް ބޭނުންކުރެވޭނީ އިސްރާއީލްގެ ދެ އެއަރލަންކަމަށްވާ އަރީކާއާއި އިސްރާއެއަރގެ ދަތުރުތަކަށް އެތެރޭގެ އުދުހުންތަކަށެވެ.
އޭގެ ފަހުން ދުނިޔޭގެ އެކިކަންކޮޅުތަކުން ޖަމްބޯ ޖެޓް ޖެއްސުމާއި ކުއްލި ހާލަތްތަކުގައި ތެލްއަވީވްގައި އޮންނަ ބެން ގޫރިއޮން އެއަރޕޯޓްގެ ބަދަލުގައި ބޭނުންކުރެވޭނެއެވެ.
