އިންތިޚާބްގައި ހަރަކާތްތެރިވާނެ އޮފިޝަލުން ހޯދުމަށް އިއުލާން ކޮށްފި
21 ޖެނުއަރީ 2019 | ހޯމަ 07:26އޮފިޝަލުންނަށް ކުރިމަތިލާ ފަރާތްތަކުން ތަމްރީނު ޕްރޮގްރާމެއް ފުރިހަމަކުރަން ޖެހޭ
މިދިޔަ އަހަރު ބޭއްވި ރިޔާސީ އިންތިޚާބުގައި މީހަކު ވޯޓްލަނީ
އެޕްރީލް މަހު ބާއްވާ ރައްޔިތުންގެ މަޖިލީހުގެ އިންތިޚާބްގައި ވޯޓުލާ މަރުކަޒުތަކުގައި ހަރަކާތްތެރިވާނެ އޮފިޝަލުން ހޯދުމަށް އިލެކްޝަންސް ކޮމިޝަނުން އިއުލާންކޮށްފިއެވެ.
އަންގާރަ ދުވަހު އީސީން ކޮށްފައިވާ އިއުލާންގައި ބުނެފައިވަނީ އެ ކޮމިޝަންގެ އޮފިޝަލަކަށް ވުމަށް އެދި ހުށަހަޅާ ފަރާތްތަކުގެ ޝަރުތުތަކަކީ އުމުރުން 18 އަހަރު ފުރިފައިވާ މީހެއްކަމުގައިވުމާއި އެއްވެސް ސިޔާސީ ޕާޓީއެއްގެ މެންބަރަކު ކަމުގައި ނުވުމުގެ އިތުރުން އެއްވެސް ކެންޑިޑޭޓެއްގެ ކެމްޕޭން ޙަރަކާތްތަކުގައި ޢަމަލީ ގޮތުން ބައިވެރިވާ މީހަކު ކަމުގައި ނުވުމެވެ. މީގެ އިތުރުން ޖިނާއީ ކުށެއްގެ ޙުކުމް ތަންފީޒުކުރަމުންދާ މީހަކު ކަމުގައި ވެގެން ނުވާނެ ކަމަށް ވެސް އިއުލާނުގައިވެ އެވެ.
އޮފިޝަލުންނަށް ވުމަށް އެދި ފޯމް ހުށަހަޅަންޖެހޭނީ ފެބްރުއަރީ 7 ވަނަ ދުވަހުގެ 15:00 ގެ ކުރިންނެވެ.
އޮފިޝަލުންނަށް ތަމްރީނުކުރުމުގެ މަސައްކަތް މާޗް މަހު ފަށާނެ ކަމަށާއި ތަމްރީނު ފުރިހަމަ ނުކޮށް އޮފިޝަލަކަށް ނުވެވޭނެ ކަމަށް އިލެކްޝަންސް ކޮމިޝަނުން ބުނެ އެވެ.
