ސައުދީއިން 250 ރޮހިންޖާ ރައްޔިތުން ޑީޕޯޓް ކޮށްލަން އުޅޭކަމަށް އެކްޓިވިސްޓުން ބުނެފި
21 ޖެނުއަރީ 2019 | ހޯމަ 04:48ސައުދީގައި 300،000 އެއްހާ ރޮހިންޖާ ރައްޔިތުން އުޅޭކަމަށްވޭ
ޖިއްދާގެ ޝުމައިސީ ރެފިއުޖީ ކޭމްޕްގައި އެތައްހާސް ރެފިއުޖީންނެއް އުޅެމުންދޭ
ސައުދީ އަރަބިއާއިން ރޮހިންޖާ ރެފިއުޖީންގެ 250 ފިރިހެނުން އަނެއްކާވެސް ބަންގްލަދޭޝްއަށް ޑީޕޯޓްކޮށްލަން އުޅޭކަމަށް އެކްޓިވިސްޓް ގްރޫޕަކުން އަލްޖަޒީރާގައި ބުނެފިއެވެ.
މިއީ މި އަހަރުގެ ތެރޭގައި ސައުދީއިން ގަދަކަމުން ރޮހިންޖާ ރެފިއުޖީން ޑީޕޯޓްކޮށްލާ ދެވަނަ ފަހަރެވެ.
ސައުދީ އަރަބިއާގައި 300،000 އެއްހާ ރޮހިންޖާ ރެފިއުޖީން އުޅެމުންދާކަމަށް ފްރީ ރޮހިިންޖާ ކޯލިޝަންގެ ކެމްޕެއިން ކޯޑިނޭޓަރ ނޭސަން ލްވިން ވިދާޅުވިއެވެ. އޭނާވަނީ ބަންގްލަދޭޝްއަށް އެމީހުން ފޭބުމާއެކު ހައްޔަރުކުރާނެ ކަމަށާއި އެމީހުން ޑިޕޯޓްކުރުން ހުއްޓާލުމަށް އެ ގައުމަށް ގޮވާލަފައެވެ.
"މީގެ ތެރެއިން އަޣުލަބިއްޔަތު މީހުންގެ އެބަ އޮތް އެ ގައުމުގައި ދިރިއުޅުމުގެ ހުއްދަ އެ މީހުންނަށް ގާނޫނީ އިމުގެ ތެރެއިން އެ ގައުމުގައި އުޅެވިދާނެ" ނޭސަން އަލްޖަޒީރާގައި ބުނެފައިވެއެވެ.
ސައުދީގެ ޖިއްދާގައި ހުންނަ ޝުމައިސީ ޑިޓެންޝަން ސެންޓަރުގައި ތިބޭ ރޮހިންޖާ ރެފިއުޖީންނާމެދު އަމަލުކުރަނީ ކުށްވެރިން ފަދައިންކަމަށް އޭނާ ވަނީ ވިދާޅުވެފައެވެ.
ނޭސަންއަށް ލިބިފައިވާ ވީޑިއޯއެއްގައި ފެންނަގޮތުގައި މީގެ އެތައް އަހަރެއް ކުރިން އެ ގައުމަށް ގޮސްފައިވާ ގިނަ ފަރާތްތަކެއް ހިމެނޭގޮތަށް އެ 250 ރެފިއުޖީން މިހާރުތިބީ ޖިއްދާގެ އިންޓަރނޭޝަނަލް އެއަރޕޯޓަށް ގެންދިއުމަށް ތައްޔާރު ކޮށްފައެވެ.
