ކާޅުބޭސް ކެވުނު ކުއްޖާ ހޮސްޕިޓަލުން ދޫކޮށްލައިފި
18 ޖެނުއަރީ 2019 | ހުކުރު 08:11ކާޅުބޭސް ކެއީ 4 އަހަރުގެ ފިރިހެން ކުއްޖެއް
އިމާރާތުގެ ވެރިފަރާތް ހައްޔަރު ކުރުމަށް ރައްޔިތުން ގޮވާލަނީ
ކާޅު މަރަން ބޭނުންކުރާ ބޭހެއް ކައިގެން ހާލު ގޯސްވި ނ.ކެނދިކުޅުދޫ ކުއްޖާ ހޮސްޕިޓަލުން ދޫކޮށްލައިފިއެވެ.
ބުރާސްފަތި ދުވަހު ކެނދިކުޅުދޫގައި ހިނގި މި ހާދިސާގައި ކާޅުބޭސް ކައިގެން ނ.މަނަދޫ ހޮސްޕިޓަލަށް ގެންގޮސް އެޑްމިޓް ކޮށްފައިވަނީ އުމުރުން ހަތަރު އަހަރުގެ ފިރިހެން ކުއްޖެކެވެ.
ރާއްޖެއެމްވީއަށް މައުލޫމާތު ދެމުން ނ.މަނަދޫ ހޮސްޕިޓަލުން ބުނީ، ބުރާސްފަތި ދުވަހުގެރޭ 10:00 ޖެހި ފަހުން އެކުއްޖާ ހޮސްޕިޓަލުން ދޫކޮށްލާފައިވާ ކަމަށާއި، އެކުއްޖާގެ ހާލު ސީރިއަސް ނޫން ކަމަށެވެ.
އެހާދިސާ ހިނގި ގޮތް ރާއްޖެއެމްވީއަށް ކިޔާދެމުން ނ.ކެނދިކުޅުދޫ މީހަކު ބުނީ، އެކުއްޖާއަށް ކާޅު ބޭސް ފެނިފައިވަނީ އެ ކުއްޖާގެ ގެއާ އިންވެގެން ހުރި އިމާރާތް ކުރަމުންދާ ގެއަކުން ކަމަށެވެ.
އެމީހާ ބުނީ، އިންފާރެއްވެސް ނެތް އެގެއަށް އެކުއްޖާ ވަނީ ކުދިންތަކަކާއެކު ކުޅެން ކަމަށާއި، ކާޅު ބޭސްތައް ކައިފައިވަނީ މެޓާތަކެއް ކަމަށް ހީކޮށް ކަމަށެވެ.
މިކަމާ ގުޅިގެން ފުލުހުންގެ ބަހެއް ލިބިފައިނުވާއިރު، އިމާރާތް ކުރި ފަރާތް އެރަށުން ބާލާ، ފުލުހުންނާ ހަވާލުކުރުމަށް ރަށުގެ ޒުވާނުންތަކެއް އެއްވެ އަޑު އުފުލާފައިވާ ކަމަށް އެ ރަށުން މައުލޫމާތު ދިން މީހާ ވަނީ ބުނެފައެވެ.
