އަންގާރަ 25 ޖޫން 2019
09 އަދަ
1440 ޝައްވާލް 21
ފަތިސް 04:37
އިރުއަރާ 05:56
މެންދުރު 12:12
އަސްރު 15:36
މަޣްރިބް 18:21
އިޝާ 19:40
ރާއްޖެ - އެމްޑިޕީ ޕްރައިމަރީ

އެމްޑީޕީ ޕްރައިމަރީގެ އޮފިޝަލުންގެ ގޮތުގައި މިނިސްޓަރުން!

  • އޮފިޝަލުންގެ ގޮތުގައި 636 ފަރާތަކުން ފޯމް ހުށައަޅައިފައިވޭ

އަލީ ސަމާޚް
AliSamah8

ކ. މާލެ 13 ޖެނުއަރީ 2019 | އާދީއްތަ 00:41 3,908

އެމްޑީޕީގެ ޕްރައިމަރީއެއްގެ ވޯޓުލުން ކުރިއަށްގެންދަނީ - މުހައްމަދު ޝަރުހާން

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އަށް ނިސްބަތްވާ ސަރުކާރުގެ މިނިސްޓަރުންވެސް ޕާޓީގެ ޕްރައިމަރީގައި ވޯޓު ފޮށި ބަލަހައްޓާ އޮފިޝަލުންގެ ގޮތުގައި ހަމަޖައްސައިފި އެވެ.

އެމްޑީޕީން އެކަން ހާމަކުރީ އެޕާޓީން ހޮނިހިރު ދުވަހު ނެރުނު ބަޔާނެއްގައެވެ. އެމްޑީޕީން ބުނީ، އެހެން ފަހަރުތަކާއި ހިލާފަށް މި ފަހަރުގެ ޕްރައިމަރީ އިންތިހާބު ކޮމިޓީން އިތުރު ސަމާލުކަމެއް ގެންނަންޖެހޭ ކަންތައްތަކެއް ފާހަގަކުރެވިފައިވާކަަށެވެ. އެގޮތުން ވޯޓު ފޮށިތައް ބަލަހައްޓާނެ މަސްއޫލުވެރިން ނެގުމުގައި ކޮމިޓީން ނިންމާފައިވަނީ އެމްޑީޕީއަށް ނިސްބަތްވާ މިނިސްޓަރުންނާއި، ނައިބުންނާއި، ސްޓޭޓް މިނިސްޓަރުންގެ އިތުރުން ސަރުކާރުގެ ކުންފުނިތަކުގެ ވެރިންފަދަ ސިޔާސީ ބޭފުޅުން އަމަލީ ގޮތުން ބައިވެރިކުރަން ކަމަށް އެމްޑީޕީން ބުންޏެވެ.

ޕްރައިމަރީއާއި ނުލައި 10 ކެންޑިޑޭޓަކަށް އެމްޑީޕީން ޓިކެޓް ދީފައިވާއިރު އެ ކެންޑިޑޭޓުން ވެސް ޕްރައިމަރީގެ ކަންކަމުގައި މަޝްޣޫލުކުރުމަކީ ޕާޓީން އެދޭ ކަމަށްކަށް ވާތީވެ އެ ފަރާތްތަކުންވެސް ވޯޓް ފޮށިތައް ހުންނަ ސަރަހައްދުތަކުގައި ހަރަކާތްތެރިވާނެކަމަށް ޕާޓީންް ބުނެ އެވެ

މި މަހުގެ 18 ވަނަ ދުވަހު ބާއްވާ އެމްޑީޕީ ޕްރައިމަރީގެ އިންތިހާބުގައި 219 ވޯޓް ފެށި ބަހައްޓަން ހަމަޖެހިފައިވާއިރު އޮފިޝަލުންގެ ގޮތުގައި 636 ފަރާތަކުން ފޯމް ހުށައަޅައިފައިވާ ކަމަށާއި، އޮބްޒާވަރުންގެ ގޮތުގައި ޝައުގުވެރިކަން ފާޅުކޮށް 1192 ފޯމް ހުށައަޅާފައިވާ ކަމަށް އެމްޑީޕީން މައުލޫމާތުދެއެވެ.

އެމްޑީޕީން އެ ޕާޓީގެ ޕްރައިމަރީއަށް ތައްޔާރީތައްވަމުން އަންނައިރު ކުރިމަތިލާފައިވާ ކެންޑިޑޭޓުންގެ ކޭމްޕޭނު ލޯންޗު ކުރުމުގެ ހަފްލާތަކުގައި އެމްޑީޕީގެ ރައީސް މުހައްމަދު ނަޝީދުގެ އިތުރުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހުވެސް އަންނަނީ ބައިވެރިވެ ވަޑައިގަންނަވަމުންނެވެ. 

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް