ލަންކާ މީހާގެ މަރާ ގުޅިގެން، ލަންކާ މީހަކު ހައްޔަރުކޮށްފި
11 ޖެނުއަރީ 2019 | ހުކުރު 04:25މަރުވީ 24 އަހަރުގެ ލަންކާ މީހެއް
ޙުސައިން ޙަސަން | 11 ޖެނުއަރީ 2019 | ހުކުރު 04:25
އދ. އެއްލައިދޫ ރިސޯޓު
އދ. އެއްލައިދޫ ރިސޯޓްގައި ހިންގި މާރާމާރީގައި ސްރީލަންކާ މީހަކު މަރާލި މައްސަލައާ ގުޅިގެން އެ ގައުމުގެ މީހަކު މީހަކު އެ ރިސޯޓުން ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެއްލައިދޫ ރިސޯޓުގައި ބުރާސްފަތި ދުވަހުގެ ރޭ މާރާމާރީ ހިންގީ ލަންކާ ދެ މީހުން ކަމަށެވެ. އެ މާރާމާރީގައި މަރުވެފައި ވަނީ 24 އަހަރުގެ ލަންކާ މީހެކެވެ. އޭނާ މަރާލި ކަމުގެ ތުހުމަތުގައި ހައްޔަރު ކުރީ 39 އަހަރުގެ ލަންކާ މީހެއް ކަމަށް ފުލުހުން ބުނެއެވެ.
ތޫނު އެއްޗަކުން ހަމަލާދީ ޒަހަމް ކޮށްލުމުން މަރުވި މީހާގެ ހަށިގަނޑު ބުރާސްފަތި ދުވަހުގެ ރޭ ފަތިހު ވަނީ މާލެ ގެނެސް، އޭޑީކޭއަށް ގެންގޮސްފައެވެ.
