ވިލިނގިލީ ފެރީ ޓާރމިނަލްގެ ފަޅުތެރެ ސާފުކުރަނީ
5 ޖެނުއަރީ 2019 | ހޮނިހިރު 05:03މިހަރަކާތް ފެށީ ހެނދުނު 7:00 ގައި
ވިލިނގިލީ ފެރީ ޓާރމިނަލްގެ ފަޅުތެރެ ސާފުކުރަނީ
ވިލިނގިލީ ފެރީ ޓާރމިނަލްގެ ފަޅުތެރެ އެމްއެންޑީއެފުން ސާފުކުރަން ފަށައިފިއެވެ.
މިއީ އެމްއެންޑީއެފް ކޯސްޓްގާރޑްގެ 39 ވަނަ އަހަރީ ދުވަހާ ގުޅުވައިގެން ކުރިއަށް ގެންދާ ޚާއްސަ ހަރަކާތެކެވެ. މި ހަރަކާތް އިފްތިތާހް ކޮށްދެއްވީ މާލެ ސިޓީ ކައުންސިލްގެ މޭޔަރު ޝިފާ މުހައްމަދެވެ.
ހޮނިހިރު ދުވަހު ކުރިއަށް ގެންދާ އެ ހަރަކާތުގައި ވިލިނގިލީ ފެރީ ޓަރމިނަލްގެ ފަޅުތެރެއިން ގިނަ އަދަދެއްގެ ޕްލާސްޓިކް ކޮތަޅާއި، ފުޅި ހުރިކަން މާލެ ސިޓީ ކައުންސިލުން ވަނީ ފާހަގަކޮށްފައެވެ.
މީގެ އިތުރުން މުޅި މާލެ ސިޓީ ސާފުރުކުރުމުގެ ހަރާތްތައް ކުރިއަށް ގެންދާއިރު، މިއަހަރުގެ އެކި ދުވަސްތަކަށް ބަހާލައިގެން މާލޭގެ އެކި ސަރަހައްދުތަކުގެ ފަޅު ތެރެ ސާފު ކުރުމުގެ ހަރަކާތްތައް ކުރިއަށް ގެންދާނެއެވެ.
ހޮނިހިރު ދުވަހުގެ ހެނދުނު 7:00ގައި ފެށި އެ ހަރަކާތުގައި ގިނަ ސިފައިން ވަނީ ބައިވެރިވެފައެވެ.
