ކ. މާލެ
|
31 ޑިސެންބަރ 2018 | ހޯމަ 00:11
އެމްއެންޑީއެފްގެ ކޯސްޓްގާޑް ލޯންޗެއް
އެމްއެންޑީއެފްގެ ކޯސްޓްގާޑް ލޯންޗެއް
ގޫގުލް
އެމްއެންޑީއެފް ކޯސްޓްގާޑް
ތިލަފުއްޓަށް ދަތުރުކުރަމުންދިޔަ ދޯންޏެއް ދިޔަވާތީ އެމްއެންޑީއެފް އިން ހަރަކާތްތެރިވާން ފަށައިފި
 
ހާދިސާ ހިނގާފައިވަނީ ދޯނީގެ ސާފްޓް ޓިއުބްގެ ބޯލްޓެއް ނެއްޓިގެން
 
ހާދިސާގެ ރިޕޯޓް ލިބިފައިވަނީ އާދިއްތަ ދުވަހުގެ ރޭ 10:24 ހާއިރު

ރ. މުރަވަންދޫ އިން ކުނި ހިފައިގެން ކ. ތިލަފުއްޓަށް ދަތުރުކުރަމުންދިޔަ "ދުވެލި" ނަމަކަށް ކިޔާ ދޯންޏެއް ދިޔަވާތީ އެމްއެންޑީއެފްގެ މާލެ އޭރިއާ ކޯސްޓްގާޑުން ހަރަކާތްތެރިވާން ފަށައިފިއެވެ.

އެމްޑީއެފް އިން ބުނީ މި ހާދިސާގެ ރިޕޯޓް ލިބިފައިވަނީ އާދިއްތަ ދުވަހުގެ ރޭ 10:24 ހާއިރު ކަމަށާއި ހާދިސާ ހިނގާފައިވަނީ ކ. އަކިރިފުށީގެ ހުޅަނގުއިރުން 17 ނޯޓިކަލް މޭލު ދުރުގައި ވަނިކޮށް ކަމަށެވެ. އަދި އެ ހާދިސާ ހިނގިއިރު ދޯނީގައި ދިވެއްސަކާއި ބިދޭސީ ތިން މީހުން ތިބި ކަމަށް ވެސް އެމްއެންޑީއެފް އިން ބުންޏެވެ.

އެމްއެންޑީއެފް އިން އިތުރަށް ބުނީ ހާދިސާ ހިނގާފައިވަނީ ދޯނީގެ ސާފްޓް ޓިއުބްގެ ބޯލްޓެއް ނެއްޓިގެން ކަމަށް ދޯނީގެ ކެޕްޓަން ބުނެފައިވާ ކަމަށެވެ.

އެމްއެންޑީއެފްގެ ފާސްޓް އިންޓަސެޕްޓް ލޯންޗެއް ޑައިވަރުންގެ ޓީމަކާއިއެކު ދޯނި އޮތް ސަރަހައްދަށް ދަތުރުކުރުމަށް ދަތުރު ފަށާފައިވާ ކަމަށް އެމްއެންޑީއެފް އިން މައުލޫމާތުދެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް