މަހޭޝް މަންޖްރެކާގެ ދަރިފުޅު ބޮލީވުޑަށް ނިކުންނަނީ ސަލްމާންގެ ފިލްމަކުން

ސަލްމާން ޚާން ދަނީ އޭނާގެ ފިލްމް ތަކުން ޒުވާން ތަރިން ބޮލީވުޑަށް ތަޢާރަފް ކުރަމުންނެވެ. އެގޮތުން

މަހޭޝް މަންޖްރެކަރގެ ފިރިހެން ދަރިފުޅު ސަތްޔާވެސް ބޮލީވުޑަށް ތަޢާރަފް ކޮށްފއިވާ ސަލްމާން އަންނަނީ މަހޭޝްގެ އަންހެންދަރިފުޅު އަޝްވާމީ ބޮލީވުޑަށްނެރުމަށް ތައްޔާރު ވަމުން ކަމަށް ރިޕޯޓްތައް ބުނެއެވެ.

އަޝްވާނީ ބޮލީވުޑަށް ތަޢާރަފް ވެގެންދާނީ ސަލްމާން ޚާންގެ ފިލްމަކުން ކަމަށާއި ވަރަށް އަވަހަށް ފިލްމްގެ މަސައްކަތް ފެށޭނެ ކަމަށް މެންޖްރެކަރު ވަނީ "މުމްބާއީ މިރޯ" އަށް ޔަގީން ކޮށްދީފައެވެ.

މަންޖްރެކަރ އާއި ސަލްމާން ޚާން އެކުގައި މަރާތީ ފިލްމް "ޝިކްޝަނާޗިޔާ އާއިޗާ ގޯ" ގެ ރީމޭކް އެއް ހެދުމަށް ދަނީ ތައްޔާރު ވަމުންނެވެ. މަންޖެރެކަރ ޑައިރެކެޓް ކުރާ މި ފިލްމްގެ ޕްރޮޑިއުސަރަކީ ސަލްމާން ކަމަށް ބެލެވޭ ކަމަށް ރިޕޯޓްތައް ބުނެއެވެ. މި ފިލްމްގެ ބަތަލް ގެ ރޯލު ކުޅުވަން ސަލްމާނެ ބޭނުން ވަނީ ގޯވިންދާ ކަމަށާއި ނަމަވެސް އެ ރޯލް ކުޅުމަށް އަދި ގޯވިންދާ އެއްބަސް ކުރެވިފައި ނުވާތީ އެ ފިލްމްގެ މަސައްކަތް ވަނީ މަޑުޖައްސާލާފައި ކަމަށް ރިޕޯޓްތައް ބުނެއެވެ.

ސަލްމާން ގެ ފިލްމްތަކުން ބޮލީވުޑަށް ތަޢާރަފްވި ތަރިންގެ ތެރޭގައި އޭނާ ވަނީ އޭނާގެ ޅިޔަނު އާޔުޝް ޝަރްމާ، ކެޓްރީނާ ކެއިފް، ސޯނާކްޝީ ސިންހާ، އާތިއާ ޝެޓީ، ޑެއިޒީ ޝާހު އަދި ސަނާ ޚާންގެ އިތުރުން ވެސް ގިނަ ތަރިން ހިމެނެއެވެ.