ސްރީ ލަންކާގެ މަސް ބޯޓެއް އަތުލައިގެންފި
20 ޑިސެމްބަރު 2018 | ބުރާސްފަތި 03:53އެ ބޯޓްގައި ލަންކާގެ ހަ މަސްވެރިން ތިބި
އަތުލައިގަތް މަސް ބޯޓް
ރާއްޖޭގެ އިގުތިސޯދީ ސަރަހައްދުގައި ގަވާއިދާ ޚިލާފަށް މަސްވެރިކަން ކުރަން އުޅުނު ސްރީ ލަންކާގެ ބޯޓެއް އެމްއެންޑީއެފުން އަތުލައިގެންފި އެވެ.
ގދ.ގައްދޫގެ އިރު ދެކުނުން 42 މޭލު ބޭރުން ފެނުނު "އޮޝާދީ 1" ނަމަކަށް ކިޔާ ސްރީ ލަންކާގެ މަސް ބޯޓު އެމްއެންޑީއެފްގެ ސަދަން އޭރިއާ ކޯސްޓްގާޑް ސްކޮޑްރަންގެ ބެލުމުގެ ދަށަށް ގެނައީ ބުދަ ދުވަހު ހަވީރު އެވެ.
އެމްއެންޑީއެފުން ބުނި ގޮތުގައި އެ ބޯޓް ފެނިގެން އެމްއެންޑީއެފް ސަދަން އޭރިއާއަށް ރިޕޯޓްކޮށްފައި ވަނީ ރާއްޖޭގެ މަސް ދޯންޏެއްކަމުގައިވާ "ވާދީ" އިން ބުދަ ދުވަހު މެންދުރު ކަމަށެވެ.
ސަދަން އޭރިއާ ކޯސްޓްގާޑް ސްކޮޑްރަންގެ ލޯންޗެއް އެސަރަހައްދަށް ގޮސް، ސްރީ ލަންކާގެ މަސް ބޯޓް ބެލުމުގެ ދަށަށް ގެނައީ ހަވީރު 16:30 ހާއިރު ކަމަށް އެމްއެންޑީއެފުން ބުނެ އެވެ.
ސްރީ ލަންކާގެ 6 މަސްވެރިން ތިބި އެ ބޯޓް އެމްއެންޑީއެފް ސަދަން އޭރިއާ ކޯސްޓްގާޑުގެ ބެލުމުގެ ދަށުން ބުދަ ދުވަހުގެ ރޭ 23:40 ގައި ޏ.ފުވައްމުލަކަށް ގެންގޮސް، މޯލްޑިވްސް ޕޮލިސް ސަރވިސް ހަވާލުކޮށްފައިވާ ކަމަށް އެމްއެންޑީއެފުން ބުނެ އެވެ.
