ޕާކް ކޮށްފައި އޮތް ވެހިކަލެއްގައި ރޯވި އަލިފާން އެމްއެންޑީއެފުން ނިއްވާލައިފި
8 ޑިސެމްބަރު 2018 | ހޮނިހިރު 16:12އަލިފާން ނިއްވާލެވިފައި ވަނީ މިއަދު ހެނދުނު 5:31 ގައި
އެމްއެންޑީއެފުން އަލިފާން ނިއްވުމުގެ މަސައްކަތް ކުރަނީ
މާލޭގެ ބޮޑުތަކުރުފާނު މަގުގެ ކަސްޓަމްސް ސަރަހައްދު ކައިރީގައި ޕާކު ކޮށްފައި އޮތް ވޭނެއްގައި ރޯވި އަލިފާން މިއަދު ހެނދުނު ނިއްވާލައިފިއެވެ.
އެމްއެންޑީއެފުން ބުނީ މި ހާދިސާގެ ރިޕޯރޓް އެމްއެންޑީއެފް. ފަޔަރ އެންޑް ރެސްކިއު ސަރވިސް އަށް ލިބިފައިވަނީ ހުކުރު ދުވަހުގެ ފަތިހު 5:18 ހާއިރު ކަމަށާއި، އަލިފާން ރޯވީ ވޭންގެ ބެޓެރި އާއި ކުރީ ސީޓުގެ ދަށުގައި ކަމަށެވެ. އަދި އެ އަލިފާން ނިއްވާލެވިފައި ވަނީ މިއަދު ފަތިހު 5:31 ގައި ކަމަށެވެ.
މިވޭނަށް ވަނީ އެކިވަރުގެ ގެއްލުންތައް ލިބިފައި
އެމްއެންޑީއެފުން ބުނީ މި ހާދިސާގައި އެއްވެސް މީހަކަށް ގެއްލުމެއް ލިބިފަނުވާ ކަމަށާއި، ނަމަވެސް އެ ވޭނަށް އެކިވަރުގެ ގެއްލުން ލިބިފައިވާ ކަމަށެވެ.
މިހާދިސާ މޯލްޑިވްސް ޕޮލިސް ސަރވިސް އިން މިހާރު ދަނީ ތަހުގީގު ކުރަމުންނެވެ.
