ސެނަހިޔާ ހޮސްޕިޓަލަކަށް ބަދަލުކުރަނީ
25 ނޮވެމްބަރު 2018 | އާދީއްތަ 14:33އަންނަ މަހުގައި ހޮސްޕިޓަލަކަށް އެ ކްލިނިކް ބަދަލުކުރާނެ
އެމްއެންޑީއެފްގެ ސެނަހިޔައިގެ އޮޕަރޭޝަން ތިއޭޓަރާއި ޖެނެރަލް ވޯރޑް މާރިޔާ ހުޅުއްވައިދެއްވަނީ
އެމްއެންޑީއެފްގެ ސެނަހިޔާ ކްލިނިކްގައި އޮޕަރޭޝަން ތިއޭޓަރަކާއި ޖެނެރަލް ވޯޑެއް ހުޅުވައި، އެތަން ހޮސްޕިޓަލަކަށް ބަދަލުކުރުމަށް ނިންމައިފިއެވެ.
ސެނަހިޔާގައި ބުރާސްފަތި ދުވަހު ބޭއްވި ރަސްމިއްޔާތުގައި ވާހަކަ ދައްކަވަމުން ޑިފެންސް މިނިސްޓަރ މާރިޔާ އަހުމަދު ދީދީ ވިދާޅުވީ ހޮސްޕިޓަލެއްގެ ދަރަޖަ އަންނަ މަހުގެ ތެރޭގައި ލިބޭނެކަމަށެވެ.
"މިހާރު މަސައްކަތް ފަށާއިފައި މިއޮތީ ސެނެހިޔާ ހޮސްޕިޓަލެއްގެ ދަރަޖައަށް އެފެންވަރަށް ބަދަލުކޮށް އެބައި ސެޓްކުރުމުގެ ބައި. ކުރިއަށް އޮތް މަހެއްހާ ދުވަސް ތެރޭގައި އިރާދަކުރެއްވިއްޔާ ހޮސްޕިޓަލަކަށް ބަދަލުވެގެން ދާނެ،" މާރިޔާ ވިދާޅުވިއެވެ.
އަސްކަރީ ދަރަޖައިގެ ކްލިނިކެއްގެ ގޮތުގައި މިހާރު ޚިދުމަތްދޭ ސެނަހިޔާގެ އޮޕަރޭޝަން ތިއޭޓަރަކާއި ޖެނެރަލް ވޯޑެއް ޑިފެންސް މިނިސްޓަރ މާރިޔާ ވަނީ ހުޅުއްވައި ދެއްވާފައެވެ.
ސެނަހިޔާ ހޮސްޕިޓަލްގެ ޖެނެރަލް ވާރޑް ގައި 10 އެނދު ބޭނުންކުރުމަށް ހަމަޖެހިފައިވާއިރު އައިސީޔޫގެ ހިދުމަތަށް ދެ އެނދު ބޭނުންކުރުމަށް ވަނީ ހަމަޖެހިފައެވެ. ސެނަހިޔައިގެ ހިދުމަތް އާސަންދަ އާއި އެކު އާންމުންނަށް ވަނީ ހުޅުވާލެވިފައެވެ.
