ރާއްޖޭގެ އެކި ދާއިރާތަކުގައި ހުރި މައްސަލަތައް ޙައްލު ކުރުމަށްޓަކައި އެންމެން އެކުގައި މަސައްކަތް ކުރަންޖެހޭ: ނައިބު ރައީސް
23 ނޮވެމްބަރު 2018 | ހުކުރު 18:37މިސަރުކާރުގެ ވިސްނުމަކީ އަބަދުވެސް ދިވެހި ރައްޔިތުން އެދޭ ގޮތަށް ކަންތައްތައް ކުރިއަށް ގެންދިއުން
ކަލަރ ރަންގައި ބައެއް ވަޒީރުންނާއި، އުރީދޫގެ ބައެއް ވެރިންނާއި އެކު ނައިބުރައީސް ފައިސަލް ސެލްފީއެއް ނަންގަވަނީ
ދިވެހިރާއްޖޭގެ އެކި ދާއިރާތަކުގައި ހުރި މައްސަލަތައް ޙައްލު ކުރުމަށްޓަކައި އެންމެން އެކުގައި މަސައްކަތް ކުރަން ޖެހޭކަމަށް ރައީސުލްޖުމްހޫރިއްޔާގެ ނައިބު ފައިސަލް ނަސީމް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ހުކުރު ދުވަހު ހުޅުމާލޭގައި ބޭއްވި "އުރީދޫ ކަލަރ ރަން" އިވެންޓްގައި ބައިވެރިވެވަޑައިގެން، މީޑިއާގައި ވާހަކަފުޅު ދައްކަވަމުންނެވެ.
އެމަނިކުފާނުގެ ވާހަކަފުޅުގައި، މިސަރުކާރަކީ ރައްޔިތުންގެ ފޮނި އުއްމީދުތަކާއި ބޭނުންވާ ގޮތް ފުރިހަމަ ކުރުމުގައި ދެމިއޮންނާނެ ސަރުކާރެއް ކަމަށާއި، މިސަރުކާރުގެ ވިސްނުމަކީ އަބަދުވެސް ދިވެހި ރައްޔިތުން އެދޭ ގޮތަށް ކަންތައްތައް ކުރިއަށް ގެންދެވުން ކަމަށް ވިދާޅުވިއެވެ.
ޒުވާނުންނާއި، ތުއްތު ކުދިންނާ އަދި އެކިއުމުރުފުރާގެ ބޭފުޅުންނަށްޓަކައި، އަމިއްލަ ކުންފުނިތަކުން ކުރާ މަސައްކަތްތަކާއި، އިޖްތިމާއީ ކަންތައްތައް ޙައްލުކޮށް، އިޤްތިޞާދީ ގޮތުން ކުރިއެރުން ހޯދުމަށްޓަކައި ކުންފުނިތަކުން ކުރާ މަސައްކަތްތައް ފާހަގަކުރައްވައި، އެކަމަށް އެމަނިކުފާނު ޝުކުރު އަދާކުރެއްވިއެވެ.
"އޫރިދޫ ކަލަރ ރަން" ދުވުމުގައި ނައިބު ރައީސް ފައިސަލް އާއި އެކު ދައުލަތުގެ ބައެއް ވަޒީރުންވެސް ބައިވެރިވެވަޑައިގެންނެވިއެވެ.
