ސަރުކާރުގެ ކުންފުނިތަކުގެ ބޯޑުގެ އިސްވެރިންތައް މަގާމުން ވަކިކޮށްފި
22 ނޮވެމްބަރު 2018 | ބުރާސްފަތި 11:22ޖުމްލަ 11 ކުންފުންޔަކުން 20 ބޭފުޅުން މަގާމުން ވަކިކޮށްފައިވޭ
އެމްޓީސީސީ ޓަވަރ
ސަރުކާރުގެ ގިނަ ކުންފުނިތަކެއްގެ ބޯޑުތަކުގެ އިސްވެރިން މަގާމުން ވަކި ކޮށްފިއެވެ.
މަގާމުން ވަކި ކޮށްފައިވާ ބޭފުޅުންގެ ތެރޭގައި ސްޓެލްކޯގެ ޗެއަރމަން އަހުމަދު އައިމަން އަދި އެކުންފުނީގެ މެނޭޖިންގ ޑިރެކްޓަރ އަހްމަދު ޒުހޫރު، ގްރޭޓަރ މާލެ އިންޑަސްޓްރިއަލް ޒޯންގެ ޗެއަރމަން މުހައްމަދު ރަޝީދު އަދި މެނޭޖިންގ ޑިރެކްޓަރ މުހައްމަދު ސައިމަން، ހައުސިންގް ޑިވޮލޮޕްމެންޓް ކޯޕަރޭޝަންއިން ޗެއަރމަން މުހައްމަދު ޝާހިދުގެ އިތުރުން މެނޭޖިންގ ޑިރެކްޓަރ އަހުމަދު ނާސިފު އަދި ބޯޑު މެމްބަރު އަހްމަދު ބުންޔާމިން ހިމެނެއެވެ.
މީގެއިތުރުން އައިލެންޑް އޭވިއޭޝަންގެ ޗެއަރމަން އަހްމަދު ޝަފީއު، މެނޭޖިންގް ޑިރެކްޓަރ އަބްދުލް ހާރިޘް، ފެނަކަ ކޯޕަރޭޝަނުން ޗެއަރމަން އިގްބާލް އާދަމް، މޯލްޑިވްސް ހައްޖު ކޯޕަރޭޝަނުން މެނޭޖިންގް ޑިރެކްޓަރ އިދުރީސް އިސްމާއިލް، އެމްޓީސީސީގެ ޗެއަރމަން އަހްމަދު ނިޔާޒް އަދި މެނޭޖިންގ ޑިރެކްޓަރ އިބްރާހިމް ޒިޔަތު، އައްޑޫ އިންޓަރނޭޝަނަލް އެއަރޕޯޓް ލިމިޓެޑުގެ މެނޭޖިންގ ޑިރެކްޓަރ މުހައްމަދު ލަތީފް، ދިރާގު ޗެއާރމަން މުހައްމަދު އަޝްމަލީ، ޕަބްލިކް ސާވިސް މީޑިއާގެ ޗެއަރޕަރސަން މަރިޔަމް އަޒުރާ އަހުމަދު، މެނޭޖިންގ ޑިރެކްޓަރ އިބްރާހިމް ހަލީލް އަދި ޑެޕިއުޓީ މެނޭޖިންގ ޑިރެކްޓަރ މުހައްމަދު އިކްރާމް، މޯލްޑިވިސް ސްޕޯރޓްސް ކޯޕަރޭޝަނުން ޗެއަރމަން އިހްސާން އަބްދުލްޢަނީ އަދި މެނޭޖިންގ ޑިރެކްޓަރ އަބްދުއްރައްޒާގް އިބްރާހިމް ހިމެނެއެވެ. މި ހުރިހާ ބޭފުޅުންވަނީ މިއަދުން ފެށިގެން މަގާމުން ވަކި ކޮށްފައެވެ. އަދި އެކަން ޕްރައިވަޓައިޒޭޝަން ބޯޑުން ވަނީ އިއުލާންކޮށްފައެވެ.
މި ބޭފުޅުންނަކީ ސަރުކާރު ކުންފުނި ތަކުގެ އިސްމަގާމުތަކުގައި ތިއްބަވައިގެން މަގާމުގެ މައްސޫލިއްޔަތަށްވުރެ ރިޔާސީ އިންތިހާބުގައި ކެމްޕެއިން އިސްކުރައްވައި ކޮރަޕްޝަންގެ ގިނަ ތުހުމަތުތަކެއް ކުރެވިފައިވާ ބޭފުޅުންކަން ފާހަގަ ކޮށްލެވެއެވެ. މީގެ ތެރެއިން ގިނަ ބޭފުޅުން ހިންގެވި ކުންފުނިތަކަށް ސިޔާސީ ނުފޫޒު ފޯރުވުމުގެ ސަބަބުން ވަނީ ގެއްލުންވެފައެވެ.
