އައިޖީއެމްއެޗާއި ވިލީމާލޭ ހޮސްޕިޓަލުގެ ގޮންޖެހުންތަކަށް ހައްލު ހޯދަން މަޝްވަރާކޮށްފި
މިހާރު ކުރިއަށްދާ މަސައްކަތްތަކާއި ބެހޭ ގޮތުން މަޝްވަރާ ކުރެއްވި
އައިޖީއެމްއެޗު، ވިލިމާލެ ހޮސްޕިޓަލްގެ މެނޭޖުމަންޓާއި މިނިސްޓަރު އަމީން ކުރިއަށް ގެންދިޔަ ބައްދަލުވުމުގެ ތެރެއިން...
ސަރުކާރު ހޮސްޕިޓަލު، އައިޖީއެމްއެޗާއި ވިލީމާލޭ ހޮސްޕިޓަލުގައި ހިންގުމުގައި ހުރި ގޮންޖެހުންތަކަށް ހައްލު ހޯދާނެ ގޮތްތަކާއި ބެހޭ ގޮތުން ހެލްތު މިނިސްޓަރު އަބްދުﷲ އަމީނާއެކު އެހޮސްޕިޓަލުތަކުގެ މެނޭޖުމަންޓުން މަޝްވަރާކޮށްފިއެވެ.
ހެލްތު މިނިސްޓްރީން ބުނީ މިއީ އެމިނިސްޓްރީގެ މިނިސްޓަރު މަގާމަށް އަމީން އައްޔަން ކުރެއްވި ފަހުން ހޮސްޕިޓަލްގެ މެނޭޖުމަންޓާއި ބައްދަލުކުރެއްވި ފުރަތަމަ ފަހަރު ކަމަށާއި، މުހިންމު ކަންތައްތަކާއި ބެހޭ ގޮތުން މަޝްވަރާ ކުރެއްވި ކަމަށެވެ.
އެގޮތުން އެބައްދަލުކުރެއްވުމުގައި އައިޖީއެމްއެޗާއި، ވިލިގިލީގެ ހޮސްޕިޓަލް ހިންގުމަށް ދިމާވާ ގޮންޖެހުންތަކާއި، ހައްލުކުރާނެ ގޮތްތަކާއި، މިހާރު މިހާރަށް ހައްލު ކުރެވޭނެ ކަންތައްތަކާއި ބެހޭ ގޮތުން މަޝްވަރާ ކުރެއްވި ކަމަށެވެ. އަދި މިދެހޮސްޕިޓަލުން ދެވޭ ޚިދުމަތް ރަނގަޅު ކުރުމާ ބެހޭ ގޮތުންނާއި، މިހާރު ކުރިއަށްދާ މަސައްކަތްތަކާއި ބެހޭ ގޮތުން ވެސް މަޝްވަރާ ކުރެއްވި ކަމަށް އެމިނިސްޓްރީން މައުލޫމާތުދެއެވެ.
މީގެ އިތުރަށް ގައުމީ ޔުނިވާސިޓީގެ މެޑިސިން ސްކޫލުހައި ޑޮކްޓަރުކަން ކިޔަވަމުން އަންނަ ފުރަތަމަ ބެޗުގެ ދަރިވަރުންނާއި ބައްދަލުކުރައްވާ ކިޔެވުމުގެ ކަންކަން ކުރިއަށްދާ ގޮތާއި ބޭހޭ ގޮތުން ވަނީ ވާހަކަދައްކަވާފައެވެ.
