ވާލީ އިންޓަރނޭޝަނަލް އިން އައިސްކްރީމް ސްޓިކްތައް ތައާރަފުކޮށްފި

އައިސްކްރީމް ސްޓިކްތައް ވާލީ އިންޓަރނޭޝަނަލް ކުންފުނީގެ ފަރާތުން ރާއްޖެއަށް ތައާރަފުކޮށްފިއެވެ.

އެ ކުންފުނީގެ ފަރާތުން 5 ފްލޭވާއެއް ވަނީ ތައާރަފުކޮށްފައެވެ. އެގޮތުން ތައާރަފުކޮށްފައިވާ ފްލޭވާޒްގެ ތެރޭގައި ޓޮބްލެރޯން ސްޓިކް، އޯރިއޯ ސްޓިކް، ކެޓްބަރީ ޑެއިރީ މިލްކްގެ އިތުރުން ކެޑްބަރީ ޑެއިރީ މިލްކް ކެރަމަލް ސްޓިކް ހިމެނެއެވެ.

މި ޕްރޮޑަކްޓްތައް ލިބޭނީ އޯކިޑް މަގުގައި ހުންނަ ވާލީ ގްރޯސަރ ފިހާރައިންނެވެ.

ވާލީ އިންޓަރނޭޝަނަލްގެ ހެޑް އޮފް ސޭލްސް އެންޑް މާކެޓިންގް އަހްމަދު ޔޫމަން ވިދާޅުވީ އައިސްކްރީމް ސްޓިކްތައް ގެނައުމުގެ ކުރިން ސޯޝަލް މީޑިއާ މެދުވެރިކޮށް ޕޯސްޓްތައް ކުރުމުން އާންމުންގެ ފަރާތުން ވަރަށް ބޮޑު ތަރުހީބެއް ލިބިގެންދިޔަ ކަމަށާއި ވަރަށް ގިނަ އަދަދެއްގެ ކަސްޓަމަރުން އެ ސްޓިކްތައް ގަނެފައިވާ ކަމަށެވެ.

އެ ފިހާރަ އިން ވަނީ މޫވެން ޕިކް ބްރޭންޑްގެ ސްވިސް ޗޮކްލެޓް ވެސް ތައާރަފުކޮށްފައެވެ. އޭގެ ތެރޭގައި މެޕްލް ވޯލް ނަޓް، ހެޒްލް ނަޓް، ޗޮކްޓެލެޓް ޗިޕްސް، މިލްކް ޗޮކްޓެލް، ވައިޓް ލެމަންގެ އިތުރުން 72 ޕަސަންޓް ކޮކޯ ހިމެނެއެވެ.

މީގެ އިތުރުން އެ ފިހާރަ އިން ވަނީ މޫވެން ޕިކް ކޮފީ އަދި ޔޯގަޓް ވެސް ތައާރަފުކޮށްފައެވެ. ޔޯގަޓްގެ ސްޓޯރޯބެރީ، ބްލޫބެރީ، ޗެރީ، މެންގޯ އެޕްރިކޮޓް ފިހާރަ އިން ލިބެން ހުންނާނެއެވެ.

މި ފިހާރަ އިން ވިއްކާ ޕްރޮޑަކްޓްތައް ހޯލް ސޭލް އަދި ރީޓެއިލްކޮށް ލިބެން ހުންނާނެ ކަމަށް ފިހާރަ އިން މައުލޫމާތުދެއެވެ.

މޫވެން ޕިކް ބްރޭންޑްގެ އުފެއްދުންތަކަކީ އާންމުންގެ މެދުގައި މަޤްބޫލުކަން ހޯދާފައިވާ އުފެއްދުންތަކެކެވެ. އެގޮތުން އެ ބްރޭންޑްގެ އައިސް ކްރީމް އަކީ އާންމުންގެ މެދުގައި ފާހަގަކޮށްލެވޭ ޕްރޮޑަކްޓެކެވެ.