ސޯސަން ފިހާރައިގެ އައުޓްލެޓެއް ހުޅުމާލޭގައި ހުޅުވައިފި
އައުޓްލެޓް ހުންނާނީ ހުޅުމާލޭގެ އަހިގަސް މަގުގައި
ހުޅުމާލޭގައި ހުޅުވާފައިވާ އައުޓްލެޓް
ސޯސަން ފިހާރައިގެ އައުޓްލެޓެއް ހުޅުމާލޭގައި ހުޅުވައިފިއެވެ.
މި އައުޓްލެޓް ބުރާސްފަތި ދުވަހު ހުޅުވާފައިވަނީ ހުޅުމާލޭގެ އަހިގަސް މަގުގައެވެ.
ސޯސަން ފިހާރައިގެ ސޭލްސް އެންޑް މާކެޓިންގ މެނޭޖަރ މުހައްމަދު ރަޝީދު ވިދާޅުވީ ސޯސަން ފިހާރައިގެ އައުޓްލެޓެއް ހުޅުމާލޭގައި ހުޅުވުމުގެ މަޤްސަދަކީ މާލެއިން ލިބޭ ޕްރޮޑަކްޓްތައް ހުޅުމާލެއިން ވެސް ފަސޭހަކަމާއެކު ރައްޔިތުންނަށް ފޯރުކޮށްދިނުން ކަމުގައެވެ.
ސޯސަން ފިހާރައިން ވިއްކާ ބައެއް ޕްރޮޑަކްޓްތަކަކީ ޕަސްކުއަލް ބްރޭންޑްގެ ޔޯގަޓް، ގްޓްނައިޓްގެ ޕްރޮޑަކްޓްތަކުގެ އިތުރުން ޓައިސަން ބްރޭންޑްގެ ނަޓްތަކެވެ. އަދި ސޯސަން ފިހާރައިން ލިބެން ހުންނަ މުދާ ހޯލް ސޭލްކޮށް އަދި ރީޓެއިލްކޮށް ލިބެން ހުންނާނެ ކަމަށް ވެސް އެ ފިހާރައިން މައުލޫމާތުދެއެވެ.
ފިހާރަ ހުޅުވުމާއި ދިމާކޮށް ވަރަށް އަވަހަށް ޕްރޮމޯޝަނެއް ފެށުމަށް ވަނީ ނިންމާފައެވެ.
ސޯސަން ފިހާރައިގެ ދެ އައުޓްލެޓް މިހާރު ވެސް މާލޭގައި ދަނީ ހިންގަމުންނެވެ. އެގޮތުން ސޯސަން ފިހާރައިން ހޯލްސޭލްކޮށް މުދާ ވިއްކަމުންދާއިރު ސޯސަން މާޓުން ރީޓެއިލްކޮށް މުދާ ވިއްކަމުންދެއެވެ.
ސޯސަން ފިހާރަ އަކީ އާންމުންގެ މެދުގައި މަޤްބޫލުކަން ހޯދާފައިވާ ފިހާރައެކެވެ.
