ރާއްޖެ
ފުލުހުން
އެފްބީ ޕޭޖެއްގައި އިސްލާމްދީނަށް ފުރައްސާރަ ކުރަމުންދާ މައްސަލަ ފުލުހުން ބަލަނީ
މީގެ ކުރިން ވެސް ވަނީ އެފަދަ ޕޭޖުތައް އާންމު ވެފައި
ތަހާރަތު މުހައްމަދު ވަހީދު, ރާއްޖެ އެމްވީ | 12 ނޮވެމްބަރު 2018 | ހޯމަ 03:24
ފުލުހުންގެ މައި އިދާރާ
ފޭސްބުކް ޕޭޖެއްގައި އިސްލާމްދީނަށް ފުރައްސާރަ ކުރަމުންދާ މައްސަލަ ބަލަމުންދާ ކަމަށް ފުލުހުން ބުނެފިއެވެ.
ފުލުހުން ކޮށްފައިވާ ޓްވީޓެއްގައި ބުނެފައި ވަނީ އިސްލާމްދީނާއި ޚިލާފު ވާހަކަތަކެއް ލިޔެ ފޭސްބުކް ޕޭޖްއެއްގައި ފަތުރަމުންދާ މައްސަލަ ފުލުހުން ތަހުގީގު ކުރަމުންދާ ކަމަށެވެ.
އިސްލާމްދީނަށް ފުރައްސާރަކުރާ އެފްބީ ޕޭޖުތަކުގެ މައްސަލަ ބަލަމުންދާ ކަމަށް ފުލުހުން ބުނެފައިވާއިރު މީގެ ކުރިން ވެސް ވަނީ އެފަދަ ޕޭޖުތައް އާންމު ވެފައެވެ. އަދި ފުލުހުން ވަނީ އެ ޕޭޖުތައް ޑިލީޓްކުރުވާފައެވެ.
ދިވެހި ބަހުން އިސްލާމްދީނާއި ﷲ އާއި ރަސޫލާ (ސ)އަށް ފުރައްސާރަ ކުރާ އާ ޕޭޖެއް ވައިރަލް ވެފައި ވަނީ މިދިޔަ ހަފްތާ ތެރޭގައެވެ.
