ވެލިދޫގެ ފަޅުތެރެއަށް ކަޅުބިލަ މަސް އައިނެއް ވަދެއްޖެ
10 ނޮވެމްބަރު 2018 | ހޮނިހިރު 05:59މަސްއަ އިން ވަދެފައި ވަނީ ބުދަ ދުވަހުގެ ހެނދުނު
ވެލިދޫ ފަޅުތެރެއަށް ވަދެފައިވާ ކަޅުބިލަ މަސްއައިނު
ނ. ވެލިދޫ ފަޅުތެރެއަށް ކަޅުބިލަ މަސް އައިނެއް ވަދެއްޖެއެވެ.
ރާއްޖެ އެމްވީއަށް މައުލޫމާތު ދެއްވަމުން ވެލިދޫ ކައުންސިލްގެ ރައީސް އަސްމާ ހުސައިން ވިދާޅުވީ އެ މަސްއައިން ފަޅުތެރެއަށް ވަދެފައިވަނީ ބުދަ ދުވަހުގެ ހެނދުނު 10:30 ހާއިރު ކަމަށެވެ.
ގިނަ އަދަދެއްގެ ރައްޔިތުން މަސްއައިން ބެލުމަށްޓަކައި ބަނަދަރު ސަރަހައްދަށް ޖަމާވި ކަމަށް އަސްމާ ވިދާޅުވިއެވެ. އަދި ދޮށި ބޭނުންކޮށްގެން މަސްތައް ބޭނުމަށް މަސްވެރިން ގާތްގަނޑަކަށް 4 ގަޑިއިރެއް ހާއިރު ހޭދަކުރި ކަމަށާއި ބޭނި މަސްތައް ވެލިދޫގެ ގޭގެއަށް ބަހާފައިވާ ކަމަށް ކައުންސިލުން މައުލޫމާތު ދެއެވެ.
މިއަދު ވެސް އެ މަސް އައިނުގެ ބައެއް މަސްތައް ފަޅުތެރޭގައި ބޭރު ނުވެ އުޅޭ ކަމަށް އަސްމާ ވިދާޅުވިއެވެ.
ވެލިދޫގެ ފަޅިތެރެއަށް ބޮޑު މަސްއަ އިނެއް ވަދެފައިވއިރު މާކަނޑުގައި އުޅޭ ކަޅުބިލަ މަސް ވަރަށް މަދު ފަހަރެއްގައި ނޫނީ ފަޅުތެރެއަކަށް ނުވަންނާނެއެވެ.
