ވިލިމާލޭ ގެއެއްގެ ތެރެއިން އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެ
މަރުވެފައިވަނީ 60 އަހަރުގެ ފިރިހެނެއް
މާލޭގައި މީހަކު މަރުވެގެން އެމްބިއުލާންސަށް ލާފައި
ވިލިމާލޭ ގެއެއްގެ ތެރެއިން އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެއެވެ.
ފުލުހުން މިކަން ކަށަވަރުކޮށްދީފައިވާއިރު، މަރުވެފައި އޮތް މީހާ ފެނުނު ގޭގެ ސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ.
ފުލުހުން ބުނީ މަރުވެފައި އޮއްވާ ފެނިފައިވަނީ 60 އަހަރުގެ ފިރިހެނެއް ކަމަށާއި، އެމީހާ މަރުވެފައި އޮތްކަމުގެ މައުލޫމާތު ލިބިފައިވަނީ އަންގާރަ ދުވަހުގެ ރޭ 22:10 ގައި ކަމަށެވެ. އަދި މައްސަލަ ތަހުގީގު ކުރަމުން އަންނަ ކަމަށްވެސް ފުލުހުން ވަނީ ބުނެފައެވެ.
މައުލޫމާތު ލިބިފައިވާ ގޮތުގައި މަރުވެފައިވާ މީހާ އަކީ މޯލްޑިވްސް އެއާޕޯޓްސް ކޮމްޕެނީގައި މަސައްކަތް ކުރަމުން އަންނަ ގއ. ކޮލަމާފުއްޓަށް ނިސްބަތްވާ މީހެކެވެ.
މީގެއިތުރުން މައުލޫމާތު ލިބޭ ގޮތުގައި އެ މީހާ އެގޭ ތެރޭގައި މަރުވެފައި އޮންނަތާ ތިން ދުވަސް ވެދާނެ ކަމަށް ލަފާކުރެވެއެވެ.
