ރާއްޖެ އެތެރެ ކުރި ރަންގަނޑަކީ ދުބާއީން ރާއްޖެއަށް އެތެރެ ކުރި އެއްޗެއް: ކަސްޓަމްސް
26 އޮކްޓޯބަރު 2018 | ހުކުރު 23:58ރަންގަނޑު ފެނުނީ ވެލާނާ އިންޓަނޭޝަނަލް އެއާޕޯޓުގައި މަސް ފޮށިގަނޑުތައް ސްކޭން ކުރަމުން ދަނިކޮށް
ވެލާނާ އިންޓަރނޭޝަނަލް އެއަރޕޯޓުން ހިފެހެއްޓި ރަންގަނޑު
ގަވާއިދާ ޚިލާފަށް ރާއްޖެއިން ބޭރު ކުރަން އުޅެނިކޮށް އާދީއްތަ ދުވަހު އަތުލައިގަނެފައިވާ ރަންގަނޑަކީ ދުބާއީން ރާއްޖެ އެތެރެކުރި އެއްޗެއް ކަމަށް ކަސްޓަމްސް ކަސްޓަމްސްގެ އިސް އޮފިޝަލަކު ވިދާޅުވެއްޖެއެވެ.
މިހާރު ނޫހުގައި، ކަސްޓަމްސްގެ އޮފިޝަލަކާ ހަވާލާދީ ބުނެފައިވަނީ އެއް ކިލޯގެ އެ ރަންގަނޑަކީ ދުބާއީން ރާއްޖެއަށް އެތެރެ ކުރުމަށް ފަހު، ލަންކާއަށް ބޭރުކުރަން އުޅުނު އެއްޗެއް ކަމަށެވެ. އެ މައްސަލައާއި ގުޅިގެން އެއްވެސް މީހަކު ހައްޔަރު ކޮށްފައިނުވާކަމަށް އޮފިޝަލާ ހަވާލާދީ ބުނެފައިއެވެ.
ރަންގަނޑު ފެނުނީ ވެލާނާ އިންޓަނޭޝަނަލް އެއާޕޯޓުން ބޭރުކުރަން އުޅުނު ލޮނުމަސް ފޮށިގަނޑުތައް ސްކޭން ކުރަމުން ދަނިކޮށް އޭވިއޭޝަން ސެކިއުރިޓީގެ މުވައްޒަފަކަށެވެ.
މިމައްސަލަ ކަސްޓަމްސް އާއި ފުލުހުން ދަނީ ތަހުގީގު ކުރަމުންނެވެ.
