ސުޕްރީމް ކޯޓު ކައިރީ ރައީސް ޔާމީން ހައްޔަރުކުރުމަށް ގޮވަނީ!
21 އޮކްޓޯބަރު 2018 | އާދީއްތަ 09:14ރައީސް ޔާމީން ހައްޔަރުކުރުމަށް ގޮވަމުންދަނީ ގުޅިފައިވާ ޕާޓީތަކުގެ ސަޕޯޓަރުން
ސުޕްރީމް ކޯޓުކައިރީގައި މީހުން އެއްވެފައި
ރައީސް އަބްދުﷲ ޔާމީން އަބްދުލް ގައްޔޫމް ހައްޔަރުކުރުމަށް ސުޕްރީމް ކޯޓު ކައިރީގައި އެއްވެފައި ތިބި މީހުން ގޮވަން ފަށައިފިއެވެ.
ސެޕްޓެމްބަރ 23 ވަނަ ދުވަހު ރާއްޖޭގައި ބޭއްވި ރިޔާސީ އިންތިހާބު ބާތިލުކުރުމަށް ރައީސް ޔާމީންގެ ފަރާތުން ހުށަހަޅުއްވާފައިވާ މައްސަލައިގެ ހުކުމް ކުރުމަށް ސުޕްރީމް ކޯޓު ތައްޔާރު ވެފައިވާއިރު، ގުޅިފައިވާ ޕާޓީތަކަށް ތާޢީދުކުރާ ގިނަ އަދަދެއްގެ ބަޔަކު ވަނީ ސުޕްރީމް ކޯޓު ކައިރިއަށް އެއްވެފައެވެ.
އެގޮތުން އެއްވުމުގައި ބައިވެރިވަމުން އަންނަ ގުޅިފައިވާ ޕާޓީތަކުގެ ސަޕޯޓަރުން ދަނީ ރައީސް ޔާމީން ހައްޔަރުކޮށް، އިންސާފުގެ ކުރިމައްޗަށް ގެނައުމަށް ގޮވާލަމުންނެވެ. ހުކުމުގެ އިންތިޒާގައި ތިބި މީހުންގެ ތެރޭގައި ރައީސް ޔާމީން އަށް ތާއީދުކުރާ މަދު ބަޔަކުވެސް ހިމެނެއެވެ.
މި މައްސަލައިގައި ހުކުމް ކުރުމުގެ ޝަރީއަތުގެ މަޖިލިސް ފަށާފައިވާއިރު، ގިނަ އަދަދެއްގެ ބަޔަކު އަދިވެސް ދަނީ ސުޕްރީމް ކޯޓު ކައިރިއަށް ޖަމާވަމުންނެވެ.
